دەوڵەتی عێراق پێکوتەی کۆرۆنا بە بەلاش بۆ هاووڵاتیانی دابین دەکات

بەرهەم ساڵح سەرۆک کۆماری عێراق لە لێدوانێکدا لە کۆبوونەوەی نائاسایی نەتەوەیەکگرتووەکان ڕایگەیاند: وێڕای دۆخی سەختی وڵات، پێکوتەی کۆرۆنا بۆ هاووڵاتیان دابین دەکەین.

بە ڕاپۆرتی ئاژانسی هەواڵی مێهر لە ڕووسیا یەوم، سەرۆک کۆماری عێراق لە میانەی وتارێک کە لە کۆبونەوەی نائاسایی کۆبوونەوەی گشتی نەتەوەیەكگرتوەكان بۆ بەرەنگاربوونەوەی پەتای كۆرۆنا پێشکەشی کرد، رایگەیاند: "مایەی خۆشحاڵییە ئەم كۆبونەوەیە جەخت لە کۆده‌نگییه‌کی سه‌رانسه‌ری دەكاتەوە بۆ دۆزینەوەی ڕێگەچارەی هاوبەش بۆ بەرەنگاربونەوەی پەتاكە".

ناوبراو جەختیشی کردەوە: پێویسته‌ كاری لە پێشینە ده‌سته‌به‌رکردنی ڤاکسێن و چاره‌سه‌ربێت، به‌جۆرێک ‌بەئاسانی بگاته‌دەستی هەمو وڵاتان و سەرجەم مرۆڤایەتی، زۆر گرنگیشە لە دابینكردنی پێداویستییەكانی چاره‌سه‌ر و ڤاکسیندا، دادپه‌روه‌ری ڕه‌چاوبکرێت و دوور بێت له‌ ململانێی سیاسی بازرگانی پێوه‌کردن.

بەرهەم ساڵح ڕاشیگەیاند: سه‌ره‌ڕای سه‌ختیی دۆخی دارایی له‌ عێراق حکومه‌ت خۆی هه‌وڵ دەدات بۆ کڕین و دابه‌شکردنی ڤاکسێنه‌که‌ به‌ خۆڕایی به‌سه‌ر هاووڵاتیاندا.

News Code 35040

نیشانەکان

بۆچوونی ئێوە

You are replying to: .
  • 1 + 14 =