ڕێگای چارەسەری پرسی کورد لە تورکیا گفتوگۆ لەگەڵ عەبدوڵڵا ئۆجەلانە

وتەبێژی هەدەپە لە لێدوانێکدا بە ئاماژە بە هەڵوێستەکانی ئەم دواییەی جەهەپە سەبارەت بە کوردەکان و جەختی ئەو پارتە لەسەر چارەسەری کیشەی کورد، عەبدوڵڵا ئۆجەلان و گفتوگۆ لەگەڵ ناوبراوی تەنیا ڕێگاچارەی پرسی کورد ڕاگەیاند.

بە ڕاپۆرتی ئاژانسی هەواڵی مێهر، ئێبرۆ گۆنای، وتەبێژی پارتی دیمۆکراتیکی گەلان لە لێدوانێکدا بە ئاماژە بە هەڵوێستەکانی ئەم دواییەی پارتی کۆماری خوازی تورکیا جەهەپە و تاکی کەماڵ قڵیچدار ئۆغڵوو، رێبەری ئەو پارتە سەبارەت بە پرسی کورد لە تورکیا وتی: بێ گومان پرسی کورد یەکێک لە بنەڕەتی ترین پرسەکانی تورکیایە. بەتایبەتی ناسینەوەی مافی بنەڕەتی و سەرەتایی کوردەکان و بە فەرمی ناسینی ئەو مافگەلە پرسێکی بنەڕەتی دێتە ئەژمار.

ناوبراو وتیشی: ئەبێ هەموو لایەنەکان لە ناو تورکیا لە بەرانبەر سیاسەتی دوژمنانەی دەسەڵاتی سیاسی تورکیا دژی کوردەکان بوەستن و هەلوێستی هاوبەشیان هەبێت. ئەو کاتەیە کە هەنگاوێی کاریگەر بۆ پرسی کورد نراوە.

ئێبرۆ ڕاشیگەیاند: ڕاستیەکی ئاشکرا و حاشاهەڵنەگر هەیە و ئەویش ئەوەی کە پرسی وکردەکان بە شەڕ چارەسەر نابێت. پرسی کورد لە رێگای ئاشتیخوازانە و دیمۆکراتیک، دیالۆگ و داونوستان چارەسەر دەبێت.

وتەبێژی هەدەپە درێژەی دا: ناونیشانی ئەو ڕێگایەش دیارە. دەسپێکی ئەو ڕەوتە لەگەڵ عەبدوڵڵا ئۆجەلان و درێژەدانی ڕێگا لەگەڵ ئەوە. ڕەوتێک کە لە نەورۆزی ٢٠١٣ بە پەیامی ئۆجەلانەوە دەستی پێکردبوو هەم هێز و هەم کاریگەری ئۆجەلان لەلای کۆمەڵگای دەرخست و هەم هێز و ئیرادەی ناوبراو بۆ چارەسەری کێشەکەی نیشان دا. ناونیشانی چارەسەر کێشەی کورد ڕوونە.

News Code 33598

نیشانەکان

بۆچوونی ئێوە

You are replying to: .
  • 1 + 2 =