بە ڕاپۆرتی ئاژانسی هەواڵی مێهر، ئیبراهیم شێخۆ، وتەبێژی ڕێکخراوی مافی مرۆڤی عەفرین، لە لێدوانێکدا بە ئاماژە بە بەردەوام بوونی پێشێلکارییەکانی مافی مفی مرۆڤ لە عەفرین لەلایەن هێزەکانی سوپای تورکیا و تیرۆریستەکانی سەر بە ئەوانەوە ڕایگەیاند: لە دەسپیکی قەیرانی سووریاوە هێزە چەکدارەکانی تورکیا لە هێلی سنووری سووریا ٤٦٤ هاووڵاتی سڤیلیان کوشتووە.
شێخۆ لە درێژەدا وتی: ڕێکخراوی هەواڵگری دوەڵەتی تورکیا و تیرۆریستەکانی سەر بە ئەوان لە مانگی جوولای ٧٨ هاووڵاتی سڤیل لەوانە ٤ ژنیان ڕفاندووە. جگە لە ئەوە، ١٢ هاووڵاتی سڤیل لەوانە ژنێک ئەشکەنجە کراون و ٣ منداڵیش چرەنووسیان نادیارە.
ناوبراو لە درێژەی قسەکانیدا ڕایگەیاند کە سوپای تورکیا و تیرۆریستەکانی سەر بە ئەوان هەوڵی ڕووخانی ژینگەی کوردستانی سووریاشیان داوە و بۆ دروست کردنی رێگا لە نێوان گوندەکان دەستیان داوەتە بڕینەوەی دارەکان.
بۆچوونی ئێوە