بە ڕاپۆرتی ئاژانسی هەواڵی مێهر، ئارەش زەرەتەن لهۆنی سەرلەبەیانی دووشەممە بەبۆنەی گیانلەدەست دانی چالاکانی بواری ژینگە، حەمید مورادی، چیاکۆ یووسفی نەژاد و خەبات ئەمینی کە لە ڕەوتی کوژاندنەوەی ئاگری کێوی ئاویەر گیانیان لەدەست دا، 2 ڕۆژ تازیەباری گشتی ڕاگەیاند و لە ئەو پەیامەدا ئەو خەمە گەورەیەی لە بنەماڵی ئەو ئازیزانە و سەرجەم خەڵکی کوردستان سەرەخۆشی کرد.
لە پەیامەکەی ئارەش لهۆنیدا هاتووە: داخی گیانلەدەست دانی چالاکانی بواری ژینگە، حەمید مورادی، چیاکۆ یووسفی نەژاد و خەبات ئەمینی کە لە ڕەوتی کوژاندنەوەی ئاگری کێوی ئاویەر گیانی ئازیزیان بەخت کرد لە بنەماڵی ئەو ئازیزانە و سەرجەم خەڵکی کوردستان سەرەخۆشی دەکەم.
هەروەها هێناویە: ئەو ئازیزانە بە فیدا کردنی گیانی خۆیان لە ڕێگای پاراستنی ژینە و سەرچاوە سروشتییەکان، نمانەی ڕاستەقینەی بەرپرسیارێتی، بەڵین و عەشق بە وڵات بوون، ناو و یادیان لە مێژووی کوردستان و ئێران و لە دڵی هەر مرۆڤێکی بە شەرەف و ژینگەدۆست دەمێنێتەوە.
بە بۆنەی ڕیزگرتن لە گیانفیداییە بێ وێنەکی ئەو خوالێخۆشبووگەلە و هاوخەمی لەگەڵ بنەماڵە داخداریان، ڕۆژانی دووشەممە و سێشەممە شەشەم و حەوتەمی گەلاوێژی 1404 لە سەرتاسەری کوردستان تازیەباری گشتی رادەگەیێندرێت.
Your Comment