بە ڕاپۆرتی ئاژانسی هەواڵی مێهر، ئەردەشێر یارئەحمەد ڕۆژی شەممە ڕایگەیاند: ئەو ڕاوچیانە ڕۆژی یەکشەممەی هەفتەی ڕابردوو بە مۆڵەتی ڕاوی ١٠ ڕۆژە لە بەندەری ڕوستەمی چوونە ناو دەریا.
ناوبراو وتیشی: بە پێی لاوازی و کەم بوونی ڕاو لە ئەو پارێزگایە ڕاوچییەکان بۆ ماسی گرتن ناچار دەبن ڕێگای دوور و درێژ بپێون بەڵام هەندێک جار بەهۆی گوشاری توندی ئاو ئەگەری هەیە بە هەڵە بچنە ناو ئاوی وڵاتانی دراوسێ کە ئەوە بەردەوام کێشەیەک بووە بۆ ڕاوچییەکان.
یارئەحمەدی زیادی کرد: تۆڕی ڕاوچییەکانیش کە لە ئاوەکانی ناوخۆ پان کرابووەوە بەهۆی گوشاری ئاو بەرەو ئاوە سنوورییەکانی عەرەبستان ڕۆیشتبوون کە هێزەکانی پۆلیسی ئەو وڵاتە تەقەیان لە ڕاوچییەکان کردبوو.
ئەو بەپرسە ڕاشیگەیاند: بە پێی ڕاپۆرتەکان سەرلەبەیانی ئەمڕۆ پاپۆڕی ئەو ڕاچییانە هاتەوە ناو بەندەری ڕوستەمی و شوکر بۆ خودا هەمووی ڕاوچییەکان تەندروستن و هیچکامەیان بریندار نەبوون.
Your Comment