ئێران جموجۆڵی ئەمریکییەکانی لە ژێر چاوەدێرییە

سەرۆک کۆماری ئێران بە ئاماژە بە زەروورەتی هاوکاریی وڵاتان بۆ دابین کردنی ئاسایش و سەقامگیریی ناوچە، جەختی کرد: ئێران جموجۆڵی ئەمریکییەکانی لە ژێر چاوەدێردایە.

بە ڕاپۆرتی ئاژانسی هەواڵی مێهر، حەسەن ڕۆحانی ئەوڕۆ (شەممە) لە پەیوەندی تەلەفونی لە گەڵ شێخ تەمیم بێن ئەحمەد ئالی سانی ئەمیری قەتەر، وێرای داکۆکی لە پەیوەندی و هاوکاریی ئیجابی و ڕوو لە گەشەی تاران – دۆحە، جەختیان لە زەروورەتی تۆکمەتر کردنی پەیوەندییەکانی دوو وڵات بە هەموو بارێکدا کرد.

ڕۆحانی لە درێژەدا بە ئاماژە بە جموجۆڵەکانی ئەمدواییەکانی ئەمریکا لە ناوچە، ڕایگەیاند: کۆماری ئیسلامی ئێران، چالاکی و جموجۆڵەکانی ئەمریکای لە ژێر چاوەدێرییە و پێوشوێن دەگرێت، بەڵام هیچکات دەستپێکەری هیچ شەڕ و تیێهەڵچوونێک لە ناوچەدا نابێت.

ئەمیری قەتەریش لەو پەیوەندییە وێرای پیرۆزبایی هاتنی مانگی پیرۆزی ڕەمەزان بە دەوڵەت و گەلی ئێران، جەختی لە زەروورەتی هەوڵی هەموو وڵاتان بۆ پێشگری لە شەڕ و ئاژاوە لە ناوچەدا کرد.

News Code 32130

نیشانەکان

بۆچوونی ئێوە

You are replying to: .
  • 3 + 4 =