سندوقی نێودەوڵەتی دراو ئەرکەکانی ڕاپەڕێنێت

سەرۆک کۆمار وتی: ئەگەر بڕیار بێت، سندوقی نێودەوڵەتی دراو و بانکی جیهانی بە هەڵاواردن لە گەڵ ئێران و وڵاتانی دیکە بجوڵێتەوە. لێێ قبووڵ ناکەین.

بە ڕاپۆرتی ئاژانسی هەواڵی مێهر، حەسەن ڕۆحانی ئەوڕۆ (چوارشەممە) لە دانیشتنی لیژنەی دەوڵەت وێرای پیرۆزبایی نیوەی مانگی شەعبان، لەبارەی خزمەتە ئاراستەکراوەکانی بەشی ناڤۆکی وڵات بۆ بەرەنگاربوونەوەی ڤایرۆسی کۆرۆنا، ڕایگەیاند: دەمامکەکان بەرهەم هاتووە ناوخۆییەکان دەدرێنە بەر پەرەنگی گاما و ئەوە لە خۆیدا هەنگاوێکی کارا و پێشخەرانەیە لە سڕینەوەی کۆرۆنا.

سەرۆک بە ئاماژە گیرانە بەری بڕیاری زۆر باشی ئابووری بۆ ساڵی ١٣٩٩ی هەتاوی، بیری هێنایەوە: بە ئاوردانەوە لە هەلومەرجی ئێستا بە هۆی کۆرۆنا و سەرباری ئەویش گەمارۆکان، بە خۆشحاڵییەوە دەبینین کە خەڵکی کێشەیەکیان لە بابەتی دابین کردنی خورد و خۆراکەوە نییە و لە بواری تەندروستیشدا هەوڵی بەرهەم هێنەریمان هەیە و هیواداراین لەو بەشەشدا بگەینە خۆبەڕێوەبەری.

ناوبراو وێرای ڕەخنەگرتن لە سندوقی نێودەوڵەتی دراو بۆ ڕانەپەڕاندنی دروستی ئەرکەکانی، جەختی کرد: ئێمە ئەندامی بانکی جیهانی و سندقی نێودەوڵەتی دراوین. پشکی خۆمان دەدەین و بەشێک لە خەزێنەکانمان لەوێیە. ئەگەر بڕیار بێت داوای وامی ئێمە بە هەڵاواردنەوە سەیر بکرێت، ئەوە بۆ ئێمە و ڕای گشتیی جیهانی قبووڵ ناکرێت.

ڕۆحانی وێرای ڕەخنە لە هەڵوێستی ئەمریکا بۆ نەخۆشیی کۆرۆنا، ڕاشیگەیاند: ئەوە هەڵوێستە لە مێژوودا تۆمار دەکرێ و دەردەکەوێ کە کۆشکی سپی نە تەنیا لە بواری ئابووریدا تیرۆریستە، بەڵکوو لە بواری دەرمانیشدا تیرۆریستانە جووڵاوەتەوە.

News Code 31872

نیشانەکان

بۆچوونی ئێوە

You are replying to: .
  • 3 + 15 =