۲۰ لەسەدی بودجە ی ئێران بۆ بەرەنگاریی کۆرۆنا تەرخان دراوە

سەرۆک کۆمار ڕایگەیاند: نزیکەی ١٠٠ هەزار ملیارد تمەن، بەرامبەر لە گەڵ لە سەدا ٢٠ی بوودجەی وڵات بۆ بەرەنگاربوونەوەی نەخۆشیی کۆرۆنا تەرخان دراوە.

بە ڕاپۆرتی ئاژانسی هەواڵی مێهر، حەسەن ڕۆحانی سەرۆک کۆماری ئێران ئەوڕۆ (شەممە) لە دانیشتنی بنکەی نیشتمانی بەڕێوەبەری و بەرەنگاربوونەوەی کۆرۆنا وتی: وەزارەتی تەندروستی، دەرمان و بنکەی نیشتمانی کۆرۆنا ڕایگەیاندووە کە ڕەوتی گیرۆدەبوون بە نەخۆشی کۆرۆنا ڕووی لە دابەزین و پاوەجێی ناوە و لە سەر هێڵێکی ڕێک و هاوتەریب وەستاوین و لە ئێستەدا دەتوانین هەلومەرجەکە بۆ هەلومەرجی بەر لە مانگی ڕەشەممە و دەسپێکی ئەم نەخۆشییە بگەڕێنینەوە.

سەرۆک کۆمار ڕوو لە خەڵکی ئێران وتیشی: ئێمە لە هەلومەرجی دژواری گەمارۆ داین، بەڵام لە سەدا ٢٠ی بوودجەی ئەوساڵ واتە نزیکەی ١٠٠ هەزار ملیارد تمەن بۆ بەرەنگاربوونەوەی کۆرۆنا تەرخان دراوە و ئەوە بۆ هەموو جیهان جێی سەرسووڕمان بووە.

ڕۆحانی ئاماژەی بەوەش دا: جیهان بەوە تاساوە کە چۆن وڵاتێک هاوکاتی لە ژێر زەختی گەمارۆ بوون، لە پێناو دەوڵەمەندبوون و جیهازمەندکردنی نەخۆشانە و قەرەوێڵەکانی هەوڵ بدات. خەڵکی ورەی باشیان هەیە و ڕاستە ژمارێک لە خەڵکی خۆشەویستمان گیانیان لە دەست داوە، بەڵام کۆمەڵگا ئارام و هێورە.

News Code 31720

نیشانەکان

بۆچوونی ئێوە

You are replying to: .
  • 3 + 5 =