پلانی "مامەڵەی سەدە" فرۆشتنی وڵاتانی ئیسلامییە

ڕاوێژکاری رێبەری باڵای شۆڕشی ئیسلامی لە کاروباری نێودەوڵەتی وتی: سەرۆک کۆماری درۆزنی ئەمریکا بە هاوکاریی ڕژیمی زایۆنی پلانێکی ئاراستە کردووە کە لە ڕاستیدا چ نییە جیا لە فرۆشی وڵاتانی ئیسلامی وەک شەڕەکانی خاچ‌پەرەستی.

بە ڕاپۆرتی ئاژانسی هەواڵی مێهر، عەلی ئەکبەر ویلایەتی ڕاوێژکاری رێبەری باڵای شۆڕشی ئیسلامی لە کاروباری نێودەوڵەتی ئێوارەی ئەوڕۆ (پێنج‌ شەممە) لە پرێس کۆنفڕانسێکدا و لە کاردانەوە بە ڕوونوێنی لە پلانی مامەڵەی سەدە، وتی: سەرۆک کۆماری درۆزنی ئەمریکا بە هاوکارییی ڕژیمی زایۆنی پلانێکی ئاراستە کردووە کە لە ڕاستیدا چ نییە جیا لە فرۆشی وڵاتانی ئیسلامی وەک شەڕەکانی خاچ‌پەرەستی.

وتیشی: ئەم خەوە ئاڵوزەی ئەمریکا و ڕژێمی زایۆنی نە تەنیا وەدی نایە، بەڵکوو دەبێتە مۆتەکە و مایەی دەرکردنیان لە ناوچە. ئەو پلانەش وەک پلانەکانی دیکەی گواستنەوەی پایتەخت لە تەلئاڤیڤەوە بۆ بەیتولموقەدەس و بە فەرمی ناسرانی بەرزاییەکانی گوڵان هیچ ئەنجامێکی بەرهەست و کۆنکرێتی بۆ ترامپ و نەتانیاهۆ بە دواوە نابێت.

ڕاوێژکاری ڕیبەری باڵا لە کاروباری نێودەوڵەتی لە درێژەدا بە ئاماژە بە بەشداری نوێنەرانی هێندێک لە وڵاتانی عەرەبی لە ڕێوڕەسمی ڕوونوێنی لەو پلانە جێێ شەرمەزارییە، ڕایگەیاند: ئەو جۆرە کارانەش دەستەبەرکەری ڕاپەڕاندنی پلانەکە نابێت و ئەمە یەکەمین جارنییە کە لەوجۆرە پلانانە لە لایەن ئەمریکاوە ڕوونوێنی دەکرێت؛ پیشتریش پەیمانی کەمپی دیڤید و مادرید ئاراستە کرا کە هیچکام ئاکام و ئەنجامی نەبووە ونایشیبێت.

ڕاشیگەیاند: گەلی فەلەستین هۆشیارانە لە هێڵی بەرایی دان و وڵاتانی دیکەش پشتیوانیان لێوە دەکەن و ئەو یارییە راپەڕین و بەرخۆدانی گرووپگەلی فەلەستینی، پەرەسەندنی شەپۆلی مافخوازی و دژە ستەمی، گەشەی ڕێژەیی و ئاستی ڕەوتی بەرخۆدان تا ئازادکردنی قودسی شەریف، هاوڕیزی ئۆمەی ئیسلامی، پاڵپشتیی ئازادیخوازان، دادپەروەران و کۆمەڵگای جیهانی لە گەلی چەوساوەی فەلەستینی بە دواوە دەبێت.

ناوبراو سەبارەت بە هەڵوێستی ئێران لەوبارەیە ڕوونی کردەوە: کۆماری ئیسلامی ئێران لەوبارەیەوە بێدەنگ نابێت و لەو رێگەدا لە هاوکاری و ڕاوێژکاری لە گەڵ وڵاتانی ئیسلامی بەردەوام دەبێ و بە هاوکاریی گەلانی ناوچە ئەمریکا بەرەوڕووی شکست دەکات.

News Code 30780

نیشانەکان

بۆچوونی ئێوە

You are replying to: .
  • 4 + 10 =