ئێران هەنگاوی کۆتایی لە ڕێککەوتنی ناڤۆکی هەڵدەگرێت

وتەبێژی وەزارەتی دەرەوەی ئێران وتی: سەرەڕای بانگهێشتی  فەرمی و سەرەتایی لە زەریف بۆ بەشداریی لە کۆڕبەندی داڤۆس، ئەو بەرنامەیە هەڵوەشایەوە، هەر بۆیە زەریف ناچێتە داڤۆس.

 بە ڕاپۆرتی ئاژانسی هەواڵی مێهر، سەید عەباس مووسەوی، وتەبێژی وەزارەتی دەرەوەی ئێران ئەمڕۆ دووشەمە لە کۆنفڕانسی ڕۆژنامەوانی حەوتانەی خۆیدا باسی لە دوایین گۆرانکارییەکانی ناوچەکە و جیهان کرد.

 مووسەوی وێرای سەرەخۆشی دووبارە بە بۆنەی شەهادەتی موسافرەکانی فڕۆکەی ئۆکراینی هاوخەمی دەوڵەت و گەلی ئێرانی لە گەڵ بنەماڵەی کۆچکردووەکانی ئەم ڕووداوە دەربڕی.

 مووسەوی وتی: بڕیار بوو زەریف لەم ڕۆژانەدا بچێتە داڤۆس بۆ بەشداریی لە مەکۆی جیهانیی ئابووری بەڵام ئەم سەفەرەیان هەڵوەشاوەتەوە و ناچێت.

 ڕاشیگەیاند کە سەرکردەیەکی باڵای ناوچەکە سبەینێ سەردانی تاران دەکات و ئەگەر سەفەرەکەی یەکلایی بووەوە دواتر ڕادەگەیێندرێت.

وتەبێژی وەزارەتی دەرەوەی ئێران هەروەها سەبارەت بە ڕێکخستنی مکانیزمی چارەسەریی کێشەکان لە بەرجام وتی: ئێمە لە ڕێککەوتنی ناڤۆکیداین و بەڵێنەکانمان هاوڕێژ کردووە لە گەڵ ئەو هەنگاوانەی لایەنی بەرانبەر هەڵیگرتووە، ئێران دوای کشانەوەی ئەمریکا لە بەرجام ڕایگەیاند کە لە نێوان ماف و ئەرکەکانیدا هاوسەنگی دروست دەکات، ئەوەی مافی خۆی بێت دەیکات و ئەنجامەکەشی بووە کەم کردنەوەی بەڵێنە ناڤۆکییەکانی و دوایین هەنگاومان هەڵگرت.

وتیشی: ئێران رایگەیاندووە کە پایبەندە بە بەرجام و ئەم کارەش دەکات بەڵام بۆ ئێمە کردەوە گرینگە کە تا ئێستا شتێکمان لە لایەنی بەرانبەر نەبینیوە.

 هەنگاوی پێنجەم هەنگاوی کۆتایی کەم کردنەوەی بەڵێنەکانمان بە گوێرەی ڕێککەوتنی ناڤۆکی بووە و ئەگەر ئەم قسە و کردەوانە بەردەوام بێت خەریکین هەنگاوی کۆتایی و کاریگەر هەڵدەگرین و ئەم رەوتە بەردەوام بێت، ئێران هەنگاوی کاریگەر هەڵدەگرێت.

سەبارەت بە وڵامدانەوەی تیرۆری سەردار قاسم سولەیمانی ، مووسەوی ڕایگەیاند کە هێرش بۆ سەر بنکەی عین الاسد بەشێک بووە لە وڵامەکەی ئێران بە ئەمریکا و هێشتا تۆڵەی ئەو تیرۆرە نەکراوەتەوە.

News Code 30610

نیشانەکان

بۆچوونی ئێوە

You are replying to: .
  • 3 + 8 =