سەردرا سولەیمانی ڕۆڵی گرینگی بووە لە یارمەتیدانی هەرێمی کوردستان

فازڵ میرانی، سکرتێری مەکتەبی سیاسی پارتی دیموکراتی کوردستان رایگەیاند: قاسم سولەیمانی ڕۆڵێکی زۆری هەبووە لە یارمەتیدانی عێراق و هەرێمی کوردستان لە شەڕی دژی داعش.

بە ڕاپۆرتی ئاژانسی هەواڵی مێهر، فازڵ میرانی ئەمڕۆ دوای ئەوەی سەردانی کونسوڵگەری ئێرانی کرد لە شاری هەولێر بە رۆژنامەنووسانی راگەیاند: "قاسم سولەیمان رۆڵێکی زۆری هەبووە لە شەڕی عێراق و ئێران و هەروەها رۆڵی گرنگی هەبووە لە یارمەتیدانی عێراق و هەرێمی کوردستان لە شەڕی دژی داعشدا".

ئاماژەی بەوەشکرد: "بە ناوی سەرۆک بارزانی و سەرۆکایەتی هەرێم و سەرۆکایەتی حکوومەت و مەکتەبی سیاسی پارتی لە رێگەی کونسوڵگەری ئێرانەوە سەرەخۆشی خۆمان ناردووە بۆ خانەوادەکەی".

سکرتێری مەکتەب سیاسی پارتی وتیشی: "هەوڵدەدەین و هیوادارین کە عێراق نەبێتە مەیدانی ململانێکی دەوڵەتانی هەرێمی و جیهانی، چونکە عێراق چیتر تەحەمولی شەڕی دیکە ناکات."

جەختیشی کرد: " پێویستە حکوومەتی عێراق باشتر وەزعی خۆی و خۆپیشاندانەکان بخوێنێتەوە و ئەو خۆپیشاندەرانە لە ئاسمانەوە نەهاتوون".

News Code 30273

نیشانەکان

بۆچوونی ئێوە

You are replying to: .
  • 9 + 6 =