بە ڕاپۆرتی ئاژانسی هەواڵی مێهر، حوجەتولئیسلام محەمەد قومی سەرۆکی ڕێکخراوی بانگەشەئ ئیسلامی لە پەیامێکدا بە بۆنەی شەهید کرانی سپەهبۆد حاج قاسم سولەیمانی، وێرای دەربڕینی سەرەخۆشی و پیرۆزبایی ئەو ڕایگەیاند: خەڵکی دلێر دەبێ هوشیار بن. دوژمن کەوتۆتە دەستەوەستان. ئەمریکا هێمای بەرخۆدانی پێکا هەتا بڵێ بەرخۆدان کۆتایی پێ هاتووە. بەڵام حاج قاسم دوای شەهیدبوونیشی قسەی زۆری بۆمان پێیە و ئەوڕۆ دەبێ قسە سەرەکییەکانی بە دڵ لە گوێ بگرین.
ڕاشیگەیاند: حاج قاسم بانگهێشتی درێژەی ئەو رێگەی کردبووین و خۆی بەخت کرد هەتا ئێمە بخاتە بیر ئیمام و قوتابخانەی ئێمام. هەموو خەوشەویستانی بەرخۆدان گوێیان لەو پەیامەی حاج قاسم بووي؛ هەر بۆیە ئێستا ئێمە تۆکمەتر و بەجەربەزەتر بەرەنگاری ئەهریمەن و دزێوان و شەڕخوازانی جیهان دەبینەوە و ئەوە رێگەی عەماد موغنییە، موحسن حوجەجی تا ئەحمەد کازمی و ئەحمەدی ڕۆشنە.
شیاوی ئاماژەیە؛ نزیکەی کاتژمێری ١ی بەیانی ئەوڕۆ (هەینی) دوو ئۆتۆمبیل کە شەهید سولەیمانی و ئەبوو مەهدی موهوندیس لە فرۆکەخانەی بەغداوە بەرەو ئەو شارە دەبرد، کرانە ئامانجی هێرشی مووشەکی و تێکرای کەسانی ناو ئەو دوو ئۆتۆمبیلە کە ١٠ کەس لە هاوڕێیان و پارێزەرانی شەهید موهەندیس و شەهید سولەیمانی بوون، شەهید کراون.
Your Comment