کاردانەوەی توندی دیمەشق بە دەستێوەردانی ئەمریکا لە کاروباری سووریا

وەزارەتی دەرەوەی سووریا لە ڕاگەیێندراوێکدا بە توندی کاردانەوەی بە دەستێوەردانی وەزارەتی دەرەوەی ئەمریکا لە کاروباری سووریا نیشان دا.

بە ڕاپۆرتی ئاژانسی هەواڵی مێهر بە گێڕانەوە لە "النشره"، وەزارەتی دەرەوەی سووریا لە ڕاگەیێندراوێکدا بە توندی کاردانەوەی نیشان دا بە دەستێوەردانی وەزارەتی دەرەوەی ئەمریکا لە کاروباری سووریا و ڕایگەیاند: بەیاننامەی واشنتۆن لەبارەی دانیشتنەکانی کۆمیتەی لێکدانەوەی دەستوور کە لە ژێنێڤ بەڕێوەدەچێت، بێ بایەخە و هیچ کاریگەرییەکی لە سەر چالاکیی ئەو کۆمیتە و فەزای گفتوگۆکان نابێت.

وەزارەتی دەرەوەی سووریا ڕاشیگەیاند: ئەو بەیاننامەیە بۆ جارێکی دیکە سەلماندنی کە ئەمریکا خەریکی دەستێوەردان لە کاروباری وڵاتانی دیکەیە و بە دوای سەپاندنی ویستەکانی خۆیەتی و دوانمونەی ئەو کارەشی دەستێوەردان لە ڕەوتی کۆمیتەی دەستووری سووریایە.

لەو ڕاگەیێندراوەدا جەخت لەوە کراوە کە گفتوگۆی ناو کۆمیتەی دەستوور، گفتوگۆیەکی سووری – سوورییە و هیچ لایەنێک بۆی نییە دەستێوەردانی تێدا بکات یان بە هەر بیانوویەک پاڵپشتی لە لایەنێک بکات.

جەختیش کراوە: ڕۆڵی ڕێکخراوی نەتەوە یەکگرتووەکان تەنیا ئاسانکاری لە ڕەوتی کاروبارەکانە و هەر ڕوانگەیەک یان بەیاننامەیەک لە لاەن ویلایەتە یەکگرتووەکانی ئەمریکا یان وڵاتێکی دیکە بێ بایەخە و هیچ کاریگەرییەکی نییە.

شایانی باسە، وەزارەتی دەرەوەی ئەمریکا بە دەرکردنی بەیاننامەیەکی دەستێوەردەرانە دەوڵەتی دیمەشقی بە کارشکێنی لە ڕەوتی پێشکەوتنی کۆمیتەی دەستووری سووریا و چەق‌خستنە بەردەم کاروباری تۆمار کردنی دەستووری ئەو وڵاتە تۆمەتبار کرد .

ئیدعایشی کرد: پێشمەرجە دیاری کراوەکان لە لایەن دەوڵەتی ئەسەد بە ئاشکرا پێشێل‌کەری ڕەوتی کۆمیتەی دەستوور و هەوڵ لە پێناو دواخستنی هەنگاوی پاڵپشت‌کراوی گرووپی ئاستانەیە.

News Code 29614

نیشانەکان

بۆچوونی ئێوە

You are replying to: .
  • 1 + 9 =