کاردانەوەی سەدر بە هەواڵی دەست لە کار کێشانەوەی عادل عەبدولمەهدی

دوای ئەوەی عادل عەبدولمەهدی بڕیاری دا دەست لەکارکێشانەوەی خۆی پێشکەشی پەرلەمان بکات، موقتەدا سەدر، رێبەری رەوتی سەدر رایگەیاند: دەستلەکارکێشانەوەی عەبدولمەهدی واتای کۆتایی هاتنی گەندەڵی نییە.

بە ڕاپۆرتی ئاژانسی هەواڵی مێهر، ئەمڕۆ هەینی عادل عەبدولمەهدی، سەرۆک وەزیرانی عێراق لە راگەیێندراوێکدا ئاماژەی بەوە کرد کە دەستلەکارکێشانەوەی خۆی پێشکەشی پەرلەمان دەکات و رایگەیاند: "من پێشتر ئه‌م بژارده‌یه‌م بۆ به‌رژه‌وه‌ندی گه‌ل و نیشتمان، به‌شێوه‌یه‌كی راشكاوانه‌ پێشنیاز كردبوو".

رێبەری رەوتی سەدر لە راگەیێندراوێکدا سوپاسی هەموو ئەو کەسانە دەکات کە پشتگیرییان کردووە و دەڵێت: "دەستلەکارکێشانەوەی عادل عەبدولمەهدی یەکەمین بەرهەمی شۆڕشەکەیە و دواینیان نییە".

موقتەدا سەدر سەبارەت بە دیاریکردنی کەسێکی دیکە لە شوێنی عادل عەبدولمەهدی و شێوازی هەڵبژاردنەکەی دەڵێت: "دەبێت سەرۆکوەزیران لە رێگەی گشتپرسییەوە هەڵبژێردرێت و پێنج کەس بەربژێربکرێن و سندووقەکانی دەنگدان لە گۆڕەپانی خۆپێشاندەران دابنرێن".

موقتەدا سەدر ئاماژە بەوە دەکات کە دەبێت کاربکرێت بۆ دامەزراندنی ئەنجوومەنی باڵای رووبەڕووبوونەوەی گەندەڵی و کۆمەڵێک دادوەری بەتواناش لە ئەنجوومەنەکەدا ئەندام بن.

رێبەری رەوتی سەدر لە بەشێکی دیکەی راگەیێندراوەکەدا رایدەگەیێنێت: "دەبێت سەرۆکوەزیرانی نوێ دوور لە پشک پشکێنە وەزیرەکانی دیاری بکات و داواش لە وڵاتان دەکەین دەرفەت بە عێراقییەکان بدەن خۆیان بڕیار لە چارەنووسیان بدەن".

موقتەدا سەدر ئاماژە بە بەردەوامی خۆپیشاندانەکان لە عێراق دەدات و دەشڵێت "دەبێت خۆپێشاندان بەردەوام بێت و نابێت کەس تووندوتیژی بەرامبەریان ئەنجام بدات".

News Code 29580

نیشانەکان

بۆچوونی ئێوە

You are replying to: .
  • 7 + 8 =