پرسە گرینگەکانی کوردستان لە یەکەمایەتی حەوتەی توێژینەوە

سەرۆکی ڕێکخراوی بەڕێوەبەری و پلان‌داڕێژیی کوردستان وتی: ئەوساڵ بە وەلاوەنانی کاری کلێشە و تیکراری، پرسە گرینگ و بەرچاوەکانی پارێزگا دەخرێتە یەکەمایەتیی پرۆگرامەکانی حەوتەی توێژینەوە.

بە ڕاپۆرتی ئاژانسی هەواڵی مێهر، بەهرام نەسروڵڵاهی زادە لە دانیشتنی کارگرووپی ڕاهێنان، توێژنیەوە، تەکنۆلۆژیا و داهێنەری پارێزگای کوردستان بە ئاماژە بە نزیک‌بوونەوە لە حەوتەی توێژینەوەی، ڕایگەیاند: ئەوساڵ بە وەلاوەنانی کاری کلێشە و تیکراری، پرسە گرینگ و بەرچاوەکانی پارێزگا دەخرێتە یەکەمایەتیی پرۆگرامەکانی حەوتەی توێژینەوە.

ناوبراو بە ئاماژە بە زەروورەتی ئاوردانەوەی توێژینەوەیی زانکۆ و دەزگاگەلی بەڕێوەبەری لە پرسە گرینگەکانی پارێزگا، وتیشی: پرسگەلێکی وەک ئاوی خواردنەوەی سنە، دەریاچەی زرێوار و لەو چەشنە دەبێ توێژینەوەی تایبەتیان لە سەر بکرێت.

سەرۆکی ڕێکخراوی بەڕێوەبەری و پلان‌داڕێژیی کوردستان هەروەها بە بیرهێنانەوەی تۆمار کرانی شاری سنە وەک شاری داهێنەری مۆسیقا لە یۆنسکۆ، خوازیاری ئاوردانەوەی جیدیی شارەوانی سنە لەوبارەیە و هاوکاریی لە ناوەندەکانی توێژینەوەیی و ئاکادیمی بوو.

نەسروڵڵاهی ڕاشیگەیاند: لێدانی زەنگی توێژینەوە لە قوتابخانەکان، بەڕێوەبردنی مێهرەجانی ڕێزنان لە هەڵبژاردەکانی توێژینەوە و تەکنۆلۆژیای پارێزگا، بەڕێوەچوونی مێهرەجانی قوتابیان و ڕێزنان لە قوتابیانی توێژەر، بەڕێوەبردنی دانیشتنگەلی پسپۆڕی و سمینارەکانی توێژینەوەیی بە مژاری جۆراوجۆر، کردنەوەی پیشانگای دەسکەوتەکانی توێژینەوەیی و تەکنۆلۆژیای پارێزگا، دیدار لە گەڵ بلیمەتان و پێشەنگە زانستییەکانی کوردستان، بەڕێوەبردنی گەشتی توێژینەوەیی بۆ سەردانی ناوەندگەلی زانکۆیی و ... بەشێکن لە پرۆگرامەکان و ئامانجەکانی حەوتەی توێژینەوەی پارێزگای کوردستان.

News Code 29559

نیشانەکان

بۆچوونی ئێوە

You are replying to: .
  • 2 + 14 =