توورەج ئەسڵانی خەڵاتی نێونەتەوەیی خۆی ئاراستەی کوردەکانی سووریا کرد

توورەج ئەسڵانی دوای مسۆگەر کردنی خەڵاتی باشترین فیلم‌هەڵگر بۆ فیلمی "١٤ جووڵای" لە فێستیڤاڵی نێونەتەوەیی فیلمی "ئازادی" ئەمریکا، خەڵاتەکەی ئاراستەی خەڵکی قارەمانی کوردستانی سووریا و منداڵانی رۆژئاوا کرد.

بە ڕاپۆرتی ئاژانسی هەواڵی مێهر، توورەج ئەسڵانی فیلم‌هەڵگر و دەرهێنەری ناسراوەی کورد، توانی لە فێستیڤاڵی نێونەتەوەیی فیلمی "ئازادی" لە ویلایەتی کارۆلینای باکووری ئەمریکا، خەڵاتی باشترین فیلم‌هەڵگریی بۆ فیلمی "١٤ جووڵای" (بەرهەمی هاوبەشی تورکیا و ئەڵمانیا) لە دەرهێنانی هاشم ئایدەمیر، مسۆگەر بکات.

ئەسڵانی پاش وەرگرتنی خەڵاتەکەی، خەڵاتی نێونەتەوەیی خۆی ئاراستەی خەڵکی ئاشتی‌خوازی کوردستان و بە تایبەت بەرخۆدانی قارەمانانەی خەڵکی کوردستانی سووریا و منداڵانی رۆژئاوا کرد.

شایانی باسە، "١٤ جووڵای" هاوکاتی بردنەوەی خەڵاتی باشترین فیلم‌هەڵگری، خەڵاتی باشترینی فیلمیشی لەو فێستیڤاڵە نێونەتەوەییە پێبەخشرا.

News Code 28880

نیشانەکان

بۆچوونی ئێوە

You are replying to: .
  • 3 + 14 =