ئێران ئامادەیە چاوپۆشی هەڵەی ڕابردووی دراوسێیەکانی بکات/ بیانییەکان ناوچەکە بەجێبێڵن

سەرۆک کۆماری ئێران وتی: ئێمە دەستی هاوڕێیەتی و دۆستی بۆ دراوسێیەکانمان دادەکێشین و تەنانەت ئامادەین چاپۆشی لە هەڵەکانی ڕابردوویان بکەین.

 بە ڕاپۆرتی ئاژانسی هەواڵی مێهر، حەسەن ڕۆحانی سەرۆک کۆماری ئێران ئەمڕۆ لە ڕێوڕەسمی نمایشی سەربازی هێزە چەکدارەکانی ئێران کە بە بۆنەی حەوتەی بەرەڤانی پیرۆزەوە ئەنجام دەدرێت، وتی: هێزە چەکدارەکانی ئێران ئاسایش و ئەمنیەت دابین دەکەن.

حەسەن ڕۆحانی جەختی کرد: لە هەر شوێنێکدا کە هێزی چەکداری ئێران ببێت وەک ئەکتەرێکی ئاسایش هێنەر کار دەکات و ئارامی و پاوەجێی بۆ خەڵک دێنێت.

ئەوەتا کاتێک چووە پاڵ خەڵکی عێراق، سووریا، فەلەستین و لوبنان، ئاسایش و ئارامی بۆ ئەو وڵاتانە بەدیهێنا و توانیا تیرۆرسیتانی دڕندە لەو ناوچانە ڕیشەکێش بکەن.

 وتیشی: ئێمە خێر و بەرەکەت و هەڤگریمان بۆ خەڵکی ناوچەکە بەدیهێنا و هێزە چەوسێنەرەکان و لە سەروویانەوە ئەمریکا بەردەوام کێشە و نا ئەمنی و بە تاڵان بردنی سەرچاوەکانیان بە دواوە بووە.

سەرۆک کۆماری ئێران هەروەها وتی: لە هەر شوێنێکدا کە ئەمریکا و دوژمنەکانی ئێمە ئامادە بوون لە ناوچەکە ، بوونە ئەکتەری شڵەژاوی دروست کردن و ئاژاوە نانەوەی وڵاتانی وەک، عێراق، ئەفغانستان، سووریا و کەنداوی فارس و نا ئەمنی و نائارامیان لە گەڵ خۆیان هێنا.

 ڕۆحانی بە ئاماژە بەوەی کە دوژمن ماوەیەکە  شەڕی ئابووری و تیرۆریزمی ئابووری دژی کۆماری ئیسلامی ئێران دەستپێکردووە، زیادی کرد: گەلی ئێمە لە ماوەی ۴۰ ساڵی رابردوودا گوشاری گەمارۆی زۆری بە سەر دا سەپاوە و ئەمڕۆش بە خۆڕاگری، هۆشیاری و یەکگرتوویی و جەهاد لە مەیدانی ئابووری لەم تەنگەڵانە دژوارەش دەپەڕێتەوە.

 وتیشی: ئێمە دەتوانین کارێک بکەین کە دوژمن لە بەرانبەر گەلی ئێران ، شۆڕشی ئیسلامی و وڵاتی ئازیزمان ئێران، سەری کڕۆنۆش دابنێت. ئێمە خۆمان تەسلیم ناکەین بەڵکوو، ئێمە پیاوی بەرگری و خۆڕاگرین.

 سەرۆک کۆماری ئێران بە جەخت لە سەر ئەوەی کە ئێمە دەستدرێژی ناکەینە سەر سنوورەکانی هیچ وڵاتێک، وتی: هەروەهاش ڕێگە نادەین کەس دەستدرێژی بکاتە سەر سنوورەکانمان.

وتیشی: گومان لەوەدا نییە کە لەم شەڕە گەورە ئابووریدا کە گوشاری زۆر لە سەر خەڵکی ئێمە هەیە، هەنگاوی یەکەم لەناوبردنی شۆڕشی ئیسلامیە و گوشاریان خستووەتە سەر گەلی ئێمە بە هەمان ئامانجی شەڕی ئابووری و دەروونی و هەڕەشە بۆ شەڕی سەربازی.

ڕۆحانی بە ئاماژە بەوەی کە رێگای ءیمە دروست کردنی یەکگرتوویی و هەماهەنگی لە گەڵ وڵاتنی ناوچەکەیە ، وتی: ئەوانەی کە دەیانەوێت ڕووداوەکانی ناوچەکە بە کۆماری ئیسلامی ئێرانەوە پەیوەست بکەن، ئەمەش وەک هەموو درۆوە ئاشکرا بووەکانیانە. ئێوە ئەگەر ڕاست دەکەن و بە دوای ئاسایشی ناوجەکەوەن، بۆچی ئەم هەمووە چەکی مەترسیدار و فڕۆکە و بۆمب هاوێژە دەنێرنە ناوچەی ئێمە. ئەگەر ئاسایشی ئەم ناوچە بۆتان گرینگە، لەم ناوچە دوور کەونەوە.

News Code 28454

نیشانەکان

بۆچوونی ئێوە

You are replying to: .
  • 7 + 10 =