چارەسەریی کێشەکانی نێوان هەولێر و بەغدا تەنیا بە دیالۆگ

سه‌رۆكى هه‌رێمى كوردستان و جێگرى سه‌رۆكى ئه‌مه‌ريكا له‌ په‌يوه‌ندييه‌كى ته‌له‌فۆنيدا دۆخى هه‌رێمى كوردستان و عێراقيان تاوتوێ كرد.

بە ڕاپۆرتی ئاژانسی هەواڵی مێهر، نێچیرڤان بارزانی سەرۆکی هەرێمی کوردستان و مایک پێنس، جێگری سەرۆک کۆماری ئەمریکا لەسەر هەندێ بابەتی گرینگی ئێستای ناوچەکە،عێراق و هەرێمی کوردستان قسەیان کرد.

هەردوو لایەن جه‌ختيان له‌ به‌رده‌واميى هاوبه‌شيى ئه‌مه‌ريكا و هه‌رێمى كوردستان و گرنگيى هاوكارى و هه‌ماهه‌نگيى نێوان هه‌رێمى كوردستان و عێراق و بوونى ميكانيزمێكى هاوبه‌ش بۆ ئه‌م مه‌به‌سته‌، به‌ يارمه‌تيى ئه‌مه‌ريكا بۆ ڕووبه‌ڕووبوونه‌وه‌ى مه‌ترسييه‌كانى سه‌رهه‌ڵدانه‌وه‌ى تيرۆر، كرده‌وه‌.

له‌ په‌يوه‌ندييه‌ ته‌له‌فۆنييه‌كه‌دا ، نێچيرڤان بارزانى ئاماژه‌ى به‌ باشتربوونى په‌يوه‌ندييه‌كانى هه‌رێمى كوردستان له‌گه‌ڵ حكومه‌تى فيدراڵى عێراق و باشتربوونى دۆخى ئابوورى له‌ هه‌رێمى كوردستان دا .

دووپاتیشی كرده‌وه‌ كه‌ هه‌رێمى كوردستان ئاماده‌يه‌ هه‌موو كێشه‌كان له‌گه‌ڵ حكوومه‌تى عێراق له‌ ڕێگه‌ى ديالۆگه‌وه‌ چاره‌سه‌ر بكات و كارى ليژنه‌كانى نێوان هه‌ردوو حكومه‌تى هه‌رێمى كوردستان و حكوومه‌تى فيدراڵى عێراقى به‌ ئه‌رێنى له‌ قه‌ڵه‌مدا.

سه‌رۆكى هه‌رێمى كوردستان داكۆكى له‌ به‌رده‌واميى سياسه‌تى هه‌رێمى كوردستان بۆ پاراستن و هاوكاريكردنى هه‌مو پێكهاته‌ ئايينى و نه‌ته‌وه‌ييه‌كان له‌ هه‌رێمى كوردستان و كاركردن بۆ قوڵكردنه‌وه‌ى كلتورى پێكه‌وه‌ژيان كرده‌وه‌ و هاوكارى و پشتگيريى هه‌رێمى كوردستانى بۆ دابينكردنى ئاسايش و ئاوه‌دانكردنه‌وه‌ى ناوچه‌كانيان نيشاندا، تا بتوانن بگه‌ڕێنه‌وه‌ شوێنه‌كانيان.

لای خۆشیەوە  مايك پێنس جێگرى سه‌رۆكى ئه‌مه‌ريكا، خۆشحاڵيى ئيداره‌ى ئه‌مه‌ريكاى بۆ باشتربوونى په‌يوه‌ندييه‌كانى هه‌ولێر ـ به‌غدا نيشاندا و دووپاتى كرده‌وه‌ كه‌ ئه‌مه‌ريكا له‌ هاوكارى و پشتگيريى هه‌ردوولا بۆ چاره‌سه‌ركردنى كێشه‌كان و ڕووبه‌ڕوبوونه‌وه‌ى تيرۆر به‌رده‌وام ده‌بێت.

وتیشی: واشنتۆن هاوكاريى هه‌رێمى كوردستان و عێراق ده‌كات بۆ يارمه‌تيدانى ئاواره و پێكهاته‌كان و گه‌ڕاندنه‌وه‌يان بۆ شوێنه‌كانيان.

News Code 28077

نیشانەکان

بۆچوونی ئێوە

You are replying to: .
  • 1 + 10 =