پێنتاگۆن تێوەگلانی ئەمریکا لە هێرشەکانی سەر حەشدی شەعبی ڕەت کردەوە

وتەبێژی وەزارەتی بەرگری ئەمریکا پێنتاگۆن لە بەیاننامەیەکدا هەر جۆرە دەستێوەردانی ئەمریکا لە هێرشەکانی ئەم دواییە بۆ سەر هومارەکانی چەک و تەقەمەنی لە عێراقی ڕەت کردەوە.

بە ڕاپۆرتی ئاژانسی هەواڵی مێهر لە ماڵپەڕی پێنتاگۆن، لە بەیاننامەی جاناتان هافمەن وتەبێژی پێنتاگۆن هاتووە: هێزەکانی ئەمریکا هێرشێکیان بۆ سەر کاروان یا هێرشێک بۆ سەر دامەزراوە و هومارەکانی چەک و تەقەمەنی کە ببێتە هۆی تەقینەوە، ئەنجام نەداوە. هەر جۆرە لێدوانێک پێچەوانەی ئەو بابەتە، هەڵە و ئاژاوا گێڕانەیە.

هافمەن لەم بەیاننامەدا جەختی کرد: ئێمە لە سەروەریی نەتەوەیی عێراق پاڵپشتی دەکەین و چەندین جار دژایەتی خۆمان لە گەڵ هەر جۆرە هەوڵێک لە لایەن لایەنە دەرەکییەکانەوە کە ببێتە هۆی توندوتیژی لە عێراق، ڕاگەیاندووە. دەسەڵاتی عێراق مافی کۆنترۆڵی ناوخۆیی خۆی هەیە و پارێزەری دیمۆکراسی لە ئەو وڵاتەیە. و بەم پێیە، دەسەڵاتی عێارق ئێستا خەریکی لێکۆڵینەوە لە سەر هێرشەکانی ئەم دواییە بۆسەر دامەزراوەکانی حەشدی شەعبییە.

لە ئەو بەیاننامەدا هاتووە: هێزە ئەمریکییەکان وەکوو میوان و لە سەر داوای داوەتی دەوڵەتی عێراق لە ئەو وڵاتەن و پێبەندی تەواوی یاساکانی ئەو وڵاتەن. ئێمە بە تواوەتی لە گەڵ لێکۆڵینەوەکانی دەوڵەتی عێراق هاوکاریمان دەبێت.

News Code 28058

نیشانەکان

بۆچوونی ئێوە

You are replying to: .
  • 1 + 1 =