گەیشتووینەتە قۆناغی بەرهەم هێنانی مەکینەی فرۆکە و کۆپتەری پێشکەوتوو

سەرۆکی ئەرکانی گشتیی هێزی چەکداری وتی: گەیشتووینە قۆناغی بەرهەم هێنانی مەکینەی فرۆکە و کۆپتەری رۆژی جیهانی و نزیکین لە رۆژانی دابین کردنی بە تەواوەتی بەرهەمەکانی ئەو سیستەمانە.

بە ڕاپۆرتی ئاژانسی هەواڵی مێهر، سەردار سەرلەشکەر باقری سەرۆکی ئەرکانی  گشتیی هێزی چەکداری لە سەردانی ڕێکخراوی پیشەسازیی ئاسمانی وەزارەتی بەرگری ڕایگەیاند: ئێمە سەرەڕای گەمارۆ و گوشارگەلی زۆری دوژمنان بە تایبەت لە بواری پیشەسازیی بەرگری، ئێستا لە قۆناغێکی تەواو جیاواز و تایبەتین.

سەرۆکی ئەرکانی گشتیی هێزی سەربازی ئێران ڕاشیگەیاند: ئەوڕۆکە لە ئێرانی ئیسلامی پیشەسازیی بەرگری پێشخەری بەشێکی زۆری پیشەسازیی وڵاتە و یەکێک لە دەرکەوتەکانی ئەو پرسە بەرهەم هێنانی پاژگەلی هەستیاری ئۆتۆمبیلە کە وەزارەتی بەرگری تێیدا چالاکە و بەشێکی زۆری کێشەکانی چارەسەر کردووە.

ناوبراو ئاماژەی بە دەسەکەوتەکانی بواری پیشەسازیی ئاسمانی کرد و وتی: لە بەرهەم هێنانی فرۆکەکان، مووشەکەکان، فرۆکە بێ فرۆکەوانەکان و زۆربەی پاژە پەیوەستەکانی دیکە و هەروەها لە پرسی مەکینەکاندا چالاکین و لە ساڵانی ڕابردوودا ڕەوتێکی ڕوو لە گەشەمان بووە.

وتیشی: ئەو ڕەوتە بە بەرهەم هێنانی پاژگەلێکی ساکار دەستی پێ کرد و ئەوڕۆکە گەیشتووینەتە قۆناغی بەرهەم هێنانی مۆتۆرگەلی فرۆکە و کۆپتەری رۆژی جیهان و نزیکین لە رۆژانی خۆبەڕێوەبەریی تەواو لە بەرهەم هێنانی ئەو سیستەمگەلە بایەخمەندە.

سەرلەشکەر باقری جەختیشی کرد: ئەو هەنگاوە بایەخمەندانە بە باشی نیشان دەدەن کە گەمارۆکان وەک گوشارێکی تێکشکێنەرانە بۆ سەر گەلی ئێران و هێزی چەکداری دەتوانێ ببێتە دەرفەتێک بۆ پێشکەوتن بەرەو لوتکەکانی هێز و دەسەڵات.

News Code 27916

نیشانەکان

بۆچوونی ئێوە

You are replying to: .
  • 2 + 7 =