ئەمریکا دەتوانێت بە سەربەرزی خۆی لە دۆخی ئێستا رزگار بکات

وەزیری دەرەوەی ئێران لە وتوێژ لە گەڵ میدیایەکی ئەمریکی بژێرەی بەردەم ئێرانی بەرخۆدان لە بەرامبەر هەر جۆرە گوشارێک ڕاگەیاند و وتی: ئەمریکا گەر بیەوێ، دەتوانێ بە سەربەرزیەوە لە دۆخی ئێستا رزگاری بێت.

بە ڕاپۆرتی ئاژانسی هەواڵی مێهر، محەمەد جەواد زەریف وەزیری دەرەوەی ئێران لە وتووێژ لە گەڵ NBC ڕایگەیاند: بژێرەی بەردەم ئێمە بەرخۆدان لە بەرامبەر هەر جۆرە گوشارێکە؛ بەڵام ئەگەر ئەمریکا بیەوێ، دەتوانێ بە سەرفەرازییەەوە لە دۆخی ئێستا رزگاری بێت.

زەریف بە ئاماژە بەوەی کە تاران بە دوای شەڕ و پێکدادان نییە، بەڵام بە توندی بەرەنگاری هەر جۆرە دەستدرێژییەک دەبێت، وتی: ئەمریکا خۆی لە بازاڕی ئێران بێ بەهرە کردووە، ئەگەرچی بازاڕی ئێران بە ڕووی کۆمپانیاگەلی ئەمریکی کراوەیە.

شایانی باسە، وەزیری دەرەوەی ئێران رۆژی یەکشەممە بۆ بەشداری لە دانیشتنی باڵای ئەنجومەنی ئابووری – کۆمەڵایەتی ڕێکخراوی نەتەوە یەکگرتووەکان سەردانی نیۆیۆرکی کردووە و بڕیارە لە میانەی ئەو سەفەرەی لە گەڵ ژمارێک لە کەسایەتیگەلی جیهانی و لەوان ئانتونیۆ گوترش ئەمینداری گشتیی ڕێکخراوی نەتەوە یەکگرتووەکان کۆبێتەوە و هەروەها لە گەڵ چەندین میدیاکان وتووێژ بکات.

ناوبراو لە کۆتایی ئەو دانیشتنانە بڕیارە بۆ بەشداری لە دانیشتنەکانی نابەرپرسایەتی سەردانی کاراکاسی پایتەختی ڤێنزۆئیلا بکات.

News Code 27437

نیشانەکان

بۆچوونی ئێوە

You are replying to: .
  • 7 + 2 =