بە ڕاپۆرتی ئاژانسی هەواڵی مێهر لە سی ئێن ئەی، مایک پەمپەئۆ، وەزیری دەرەوەی ئەمریکا بە ئاماژە بەوەی کە دۆناڵد ترامپ، بڕیاری کۆتایی لەسەر دانوستان لەگەڵ ئێران دەگرێت، جەختی کرد: وتەکانی ئەم دواییەی سەرۆک کۆماری ئێران، هەمان پێشنیارە کە ئەو بە جان کری و باراک ئۆبامای دابوو و بووە هۆی دروستبوونی بەرجام کە ئێمە بە کارەساتی دەزانین.
حەسەن ڕۆحانی ، سەرۆک کۆماری ئێران، رۆژی ڕابردوو لە کۆبوونەوەیەک لە پارێزگای خوراسانی باکووری وتبووی، ئەمریکا دەست لە زۆربێژی هەڵگرێت، ئێمە هەمیشە؛ هەر ئێستا، ئامادەی دانوستانین.
ڕۆحانی وتبووی: ئێوە دەست لە ستەم کردن هەڵگرن، دەست لە پەلاماردان و گەمارۆدان هەڵگرن، بگەڕێنەوە سەر مێزی دانوستان، بگەڕێنەوە بۆ لۆژیک و مەنتق و دادپەروەری، ئێمە ئامادەین. ئێمە خوازیاری عەقڵانیەت و مەنتقین.
Your Comment