سوێندخواردنی یەکەمین دەستەی خوێندکارانی دەرچووی زمان و ئەدەبی کوردی لە سنه

یەکەمین خوێندکارانی لقی زمان و ئەدەبی کوردی زانکۆی کوردستان وێرای وەرگرتنی بڕوانامە، ئەوڕۆ لە میانەی کرانەوەی کۆنگرەی نێونەتەوەیی ناودارانی کورد ڕێوڕيسمی سوێندخواردنیان بەڕێوە برد.

بە ڕاپۆرتی ئاژانسی هەواڵی مێهر، ئەوڕۆ لە میانەی کرانەوەی کۆنگرەی نێونەتەوەیی ناودارانی کورد لە تەلاری مەولەوی زانکۆی کوردستان زیاتر لە ٣٥ خوێندکاری دەرچووی لقی زمان و ئەدەبی کوردی ئەو زانکۆیە وێرای وەرگرتنی بڕوانامە، ڕێوڕيسمی سوێندخواردنیان بەڕێوە برد.

لەو ڕێوڕەسمەدا دوکتۆر بەختیار سەجادی بەرپرسی گرووپی زمان و ئەدەبی کوردی زانکۆی کوردستان ڕایگەیاند: زۆر خۆشحاڵم کە شایەدی وەرگرتنی بڕوانامەی یەکەم خوێندکارانی وەرگیراوی ئەم ڕشتەیە لە زانکۆی کوردستانم.

ناوبراو بە ئاماژە بە سەرچاوەگەلی تەواو کوردیی ئەو ڕشتەیە، ڕاشیگەیاند: ئەم خوێندکارانە بەرهەمی هەوڵ و چالاکیی ماندوونەناسانەی مامۆستایانی لقی زمان و ئەدەبی کوردین.

بەرپرسی گرووپی زمانی و ئەدەبی کوردی زانکۆی کوردستان ئاماژەی بەوەش دا: پێویستە دەزگاگەلی فەرهەنگی، میدیاکان و پەروەردە لە دەفرایەتیی گەورەی خوێندکارانی دەرچووی لقی زمان و ئەدەبی کوردی بەهرە ببەن.

سەجادی لە کۆتاییشدا بەڕێوەچوونی کۆنگرەی ناودارانی کوردی نرخاند و وتی: ناوداران و بلیمەتانی کورد کۆڵەکەی فەرهەنگ و شۆناسی ئەو ناوچەیەن و ئێمە ئەوڕۆ شانازی بە میوانداریان دەکەین.

شایانی باسە، لقی زمان و ئەدەبی کوردی لە ساڵی ٩٤ی هەتاوی چالاکییەکانی دەست پێکرد و ئێستا ١٦٠ خوێندکار لەو ڕشتەیەدا خەریکی خوێندنن کە لەوساڵدا ٣٥ کەسیان بڕوانامەی بەکالۆریۆسی زمان و ئەدەبی کوردی لەو زانکۆیە وەرگرت.

News Code 27220

نیشانەکان

بۆچوونی ئێوە

You are replying to: .
  • 2 + 12 =