ئەمریکییەکان بە باشی ئاگاداری توانایی و هێزی بەرگریانەی ئێرانن

سەرۆکی کۆمیسیۆنی ئاسایشی نەتەوەیی و سیاسەتی دەرەوەی مەجلیسی شوورای ئیسلامی وتی: ئەمریکییەکان بە باشی ئاگاداری توانای بەرگری ئێرانن و هەر بۆیە ئەگەری شەڕ لە گەڵ ئێران لە ئارادا نییە.

بە ڕاپۆرتی ئاژانسی هەواڵی مێهر لە مەجلیس، خاتوو ماریل دوسارنز سەرۆکی کۆمیسیۆنی کاروباری دەرەوەی مەجلیسی نەتەوەیی فەڕەنسا و لێژنەی هاوڕێی نیوەڕۆی شەممە لە گەڵ حشمەتوڵڵا فەلاحەت پیشە سەرۆکی کۆمیسیۆنی ئاسایشی نەتەوەیی و سیاسەتی دەرەوەی مەجلیسی شوورای ئیسلامی دیدار و گفتوگۆی کرد.

فەلاحەت پیشە لە سەرەتای ئەو دیدارە بە ئاماژە بە ڕۆڵی فەڕەنسا لە ڕەوتی واژۆی ڕێککەوتنی بەرجام وتی: چاوەڕوانی زیاتر لە وڵاتانی ئەورووپی بە تایبەتی فەڕەنسا هەیە و هیوادارین سەرەڕای بێ بەڵێنەکییەکانی ئەورووپا هەنگاوی کردەوەیی لە ئەو بوارە هەڵبگیرێت.

ناوبراو زیادی کرد: مەجلیسەکانی دوو وڵات دەتوانن بە ناسینی بەستێنەکانی هاوکاری هاوبەش بەستێن بۆ پەرەپێدانی دانوستانە ئابووری و بازرگانییەکان دروست بکەن.

ناوبراو هەروەها بە ئاماژە بە کەشی دەروونی دروست بوو لە لایەن ئەمریکاوە وتی: ئەمریکییەکان بە باشی ئاگاداری توانی بەرگری ئێرانن و هەر بۆیە ئەگەری شەڕ لە گەڵ ئێران کەمە.

خاتوو ماریل دوسارنزیش بە ئاماژە بە دۆخی ئێستای بەرجام وتی: پاراستنی بەرجام بۆ فەڕەنسا زۆر گرینگە و فەڕەنسا دەیەوێت ئەو ڕێککەوتنە بگەیێتە ئامانجەکەی خۆی.

News Code 26954

نیشانەکان

بۆچوونی ئێوە

You are replying to: .
  • 2 + 1 =