هۆکاری ڕێگری ئەمریکا لە سەفەری هاووڵاتیانی بۆ عێراق

پەرلەمانتاری عێراقی ئەندامی هاوپەیمانی فەتح بە ئاماژە بە هۆکاری داخوازی واشنتۆن بۆ گەڕانەوەی پێرسۆنێلی نازەرووریی لە عێراق و خۆبواردنی هاووڵاتیانی ئەمریکی لە سەفەری عێراق، ڕووانییە هەڵوێستی گوماناویی ئەمریکا.

بە ڕاپۆرتی ئاژانسی هەواڵی مێهر بە گێرانەوە لە "النهرین"، محەمەد بەلداوی پەرلەمانتاری عێراقی ئەندامی هاوپەیمانی فەتح بە ئاماژە بە داخوازیی واشنتۆن بۆ گەڕانەوەی پێرسۆنێلی نازەرووریی لە عێراق، وتی: زۆربەی وڵاتانێک کە هەست بە مەترسی یان هەڕەشەیەکی ئەمنی دەکەن، هوشدار دەدەن. ئەو بڕیارەی ئەمریکییەکان پاش تەقینەوەکانی ئیمارات و کرانە ئامانجی ناوەندە نەوتییەکانی سعوودی گیراوە.

وتیشی: ئەمریکا سەرەڕای سەقامگیر بوونی دۆخی عێراق و ڕوانگەی عێراقییەکان بۆ دوور گرتن لە ناکۆکییەکان، هەست بە مەترسی دەکات و نیگەرانی کرانە ئامانجی ڕاستەوخۆ یان ناڕاستەوخۆی هاووڵاتیانیەتی.

بەلداوی ئاماژەی بەوەش دا: سیاسەتی ئەمریکا گوماناوییە، چونکە لە لایەکەوە هێز و جیهازاتی خۆی ڕەوانەی ناوچە دەکات و لە لایەکی دیکەوە ڕادەگەیێنێت کە خوازیاری شەڕ نییە.

News Code 26523

نیشانەکان

بۆچوونی ئێوە

You are replying to: .
  • 1 + 6 =