تورکیا بەردەوام دەبێت لە کرێنی نەوتی ئێران

جێگری ناوەندی توێژینەوەی ئێران لە ئەنقەرە پێیوایە کە تورکیا هێشتا لە ئێران نەوت دەکڕێت، چونکوو بە هۆکاری تەکنیکی لە کورت ماوەدا ناتوانێ جێگرەوە بۆ نەوتی ئێران بدۆزێتەوە.

حەقی ئۆیغور، جێگری ناوەندی توێژینەوە لە پرسەکانی ئێران لە ئەنقەرە لە دیمانە لەگەڵ هەواڵنێری مێهر باسی لە هەوڵەکانی ئەمریکا بۆ سیفر کردنی فرۆشتنی نەوتی ئێران و کاریگەریی ئەو گەمارۆ و سزایانەی سەر ئێران لەسەر ئابووری تورکیا و کەرتی نەوتی ئەم وڵاتە کردووە.

ئۆیغور لە وڵامی پرسیارێکی هەواڵنێری مێهر سەبارەت بەوەی کە گەلۆ تورکیا لەژێر گوشارەکانی دەوڵەتی ئەمریکا ناچاردەبێت بەوەی کە نەوت لە ئێران نەکڕێت، وتی:

بێ گومان تورکیا بەردەوام دەبێت لە کڕینی نەوت لە ئێران، چونکوو هەر بەو چەشنەی چاووش ئۆغڵۆ وتی: بە هۆی کێشەی تەکنیکی لە کورت ماوەدا ناتوانین جێگرەوە بۆ نەوتی ئێران دەستەبەر بکەین.

وتیشی: ئەنقەرە و واشنتۆن لەسەر هەندێ بابەتی وەک ئێس ۴۰۰، پرسی فەلەستین، سەرچاوەکانی وزە لە مەدیتەرانەی ڕۆژهەڵاتی و گەمارۆکانی سەر ئێران کێشەیان هەیە و پێم وایە لە سەر ڕێژەی کڕینی نەوتی پێویستی  تورکیا لە ئێران دواتر دانوستان بکەن و ڕێژەکەی دیاری بکەن.

ئەم کارناسە شرۆڤەکارە ئاماژەشی بە کاریگەرییەکانی سزادانی ئێران لە لایەن ئەمریکا دا و وتی: تورکیا پێیوایە کە گەمارۆکان ڕەنگە ببێتە هۆی ناپاوەجێی ئێران و هەروەها ناوچەکە و لە لایەکی دیکەوە ئەم نیگەرانیە هەیە کە ڕوانگەی زایۆنی خوازی ترامپ قەیرانی نوێ دروست دەکات.

ئەوەشی ڕاگەیاند کە ئەگەر تاران و ئەنقەرە لە دۆخی ئێستادا ڕوانگەی نزیکتریان لەسەر هەندێ پرسی وەک عێراق و سووریا هەبێت یەکگرتوویی لە ناوچەکە زیاتر دەبیت و هەڕەشەی بیانی کەمتر کاریگەریی دادەنێت.

News Code 26446

نیشانەکان

بۆچوونی ئێوە

You are replying to: .
  • 6 + 0 =