رۆژی سنە لە رۆژژمێری ناوچەیی تۆمار کرا

سەرۆکی شۆڕای ئیسلامی شاری سنە بە ئاماژە بە تۆمارکرانی رۆژی سنە لە رۆژمێری ناوچەیی وڵات، وتی: ئەو هەنگاوە ڕووداوێکی گرینگە لە پێناو بەهادان بە فەرهەنگی پارێزگای کوردستان.

بە ڕاپۆرتی ئاژانسی هەواڵی مێهر، سەید غەریب سەجادی بە ئاماژە بەوەی کە بە پێی بەڵگە مێژووییەکان رۆژی ٦ی گوڵان بە ناوی رۆژی سنە تۆمار کراوە، ڕایگەیاند: تۆمارکرانی رۆژی سنە لە ڕۆژ ژمێری ناوچەیی ڕووداوێکی گرینگە لە مێژوو و فەرهەنگی کوردستاندا.

ڕاشیگەیاند: لە چەند ساڵ لەوە پێشەوە پێشنیارگەلێک لە لایەن کۆمەڵگەی فەرهەنگی و لایەنگرانی مێژووی شاری سنە سەبارەت بە تۆمارکرانی رۆژێک بە ناوی رۆژی سنە ئاراستە کرا کە لە ئەنجامدا بە پلان داڕشتن و بەڕێوەچوونی چەندین دانیشتن بە ئامادەبوونی خاوەن بیران و کارناسانی شارسازی و لێکدانەوەگەلی پێویست، رۆژی ٦ گوڵان بۆ ئەو مەبەستە دیاری کرا.

سەرۆکی شۆڕای ئیسلامی شاری سنە لە درێژەدا وتی: بۆ بەرزنرخاندنی رۆژی سنە کۆمەڵێک پرۆگرامی جۆراوجۆر لە لایەن شۆڕا، شارەوانی و ئەنجومەنە جەماوەرییەکان پێشبینی کراوە کە گرینگترینیان دابەستنی وێنە کەسایەتییە ناسراوە، مێژوویی و فەرهەنگییەکانی کورد لە هەندێک لە شەقامەکانی ئەم شارەیە.

سەجادی کرانەوەی پیشانگا لە عیمارەتی خوسرەوئاوای سنەی بە یەکێک لە پرۆگرامەکانی دیکەی ئەو رۆژە ڕاگەیاند و وتیشی: ئەو پیشانگایە پێکهاتووە لە تابلۆوێنەی دیمەنە جۆراوجۆرەکان، بینا مێژووییەکان، دەستنووسە مێژوویی و ئیدارییەکانی شارەوانی لە ٨٠ ساڵی ڕابردووەوە و هەروەها پیشانگایەک بۆ کەرەسەی پیشە کۆنەکان، پیشەی دەستی، خۆراکی نەریتی و سەردیسی بلیمەتان و ناودارانی سنە ئاراستە دەکرێت.  

ناوبراو بە ئاماژە بە بەڕێوەچوونی پرۆگرامەکانی وتاردانی مامۆستایان و ناوداران، مۆسیقای کوردی، نمایشی فیلمی بەڵگەیی و تیزێری سنە، وۆرکشۆپی لێکدانەوەی بیناسازی و نژیارڤانیی شاری سنە، ڕایگەیاند: هاوکات لە پەنای ئەو پرۆگرامانە، خەڵکی شایەدی پرۆگرامگەلێکی دیکەی وەک کۆبوونەوەی شێعر و وێژەی کوردی، ڕازاندنەوە و یاریی تیشک لە جەنگەل و بناری ئاویەر، پیست و گەمەی ئۆتۆمبیل و پیاسە بنەماڵەیی لە مەیدانی حەوت ئاسیاو بەرەو پارکی منداڵ دەبن.

News Code 26233

نیشانەکان

بۆچوونی ئێوە

You are replying to: .
  • 2 + 0 =