حاجی ئیمام کەسی دووەمی داعش لە سووریا کوژراوە

بە هۆی هێرشی فڕۆکەکانی هێزی هاوپەیمانان بۆ سەر مۆڵگەکانی داعش لە سووریا، کەسی دووەمی داعش کوژرا.

بە ڕاپۆرتی ئاژانسی هەواڵی مێهر لە هەواڵدەریی NBC، سەرچاوەیەک لە وەزارەتی بەرگری ئەمریکاوە رایگەیاند: "فڕۆکەکانی ئەمریکا توانیویانە (حاجی ئیمام) کەسی دووەمی رێکخراوی داعش بکوژن."

لەو هەواڵەدا هاتووە کە ئەو هێرشەی کە بووەتە هۆی کوژرانی کەسی دووەمی رێکخراوی داعش شەوی ڕابردوو لە لایەن فڕۆکەکانی ئەمریکاوە کراوەتە سەر بنکە و بارەگاکانی داعش لە سووریا.

 حاجی ئیمام نازناوی سەرکردەی دووەمی داعش (عەبدولڕەحمان موستەفا قەدولیی)ە لە دایکبووی ۱۹۵۴ی پارێزگای مووسڵی عێراقە، پیشتر مامۆستای وانەی فیزیا بووە، سەركردەیەكی باڵای رێكخراوی تیرۆریستی داعشە.

حاجی ئیمام  پێشتریش ئەندامی رێكخراوی تیرۆریستی قاعیدە بووە.

حاجی ئیمام ساڵی ۱۹۹۸ چۆتە ئەفغانستان و دواتریش و پاش راگەیاندنی رێکخراوی قاعیدەی عێراق لە لایەن "ئەبوموسعەب زەرقاوی" بە کەسی ناسراو و بەهێزی ناو قاعیدەی عێراق ناسراو بووە.

ساڵی رابردوو جان كری، وەزیری دەرەوەی ئەمریكا، بڕیاریدا خەڵاتێك بە بڕی حەوت ملیۆن دۆلار تەرخان بكرێت بۆهەر كەسێك زانیاری هەبێت لەسەر شوێنی حاجی ئیمام.

News Code 2613

نیشانەکان

بۆچوونی ئێوە

You are replying to: .
  • 3 + 10 =