پلانی نوێی ئێران و عێراق بۆ پاراستنی سنووری هاوبەشی ئاسمانی

سەرۆکی ئەرکانی گشتیی هێزی چەکداری وتی: ڕەنگە ئێمە لە لایەن سنوورەکانی رۆژئاواییەوە هەست بە هەڕەشەی ئاسمانی بکەین و بەو هۆیە بڕیارە بەرگریی ئاسمانی ئێران و عێراق پێکەوە هاوکاری و هاوئاهەنگی زیاتریان ببێت.

بە ڕاپۆرتی ئاژانسی هەواڵی مێهر، سەرلەشکەر محەمەد باقری سەرۆکی گشتیی ئەرکانی هێزی چەکداری لە پەراوێزی دیداری فەریقی یەکەم عوسمان غانمی سەرۆک ئەرکانی سوپای عێراق، سەبارەت بە ناوەڕۆکی دیدارەکە ڕایگەیاند: پەیوەندییەکی باشمان لە گەڵ سوپای عێراق هەیە و پێشتریش لە میانەی دانیشتنی سێ قۆڵیی دیمەشق، سەبارەت بە تۆکمەتر پەیوەندییەکانی دوو وڵات گفتوگۆمان کردبوو.

ناوبراو بە ئاماژە بە هەڕەشە و خەونە هاوبەشەکانی ئێران و عێراق ڕاشیگەیاند: هاتوچۆی زیارەتکارانی ئێرانی لە ئاستێکی باڵادایە و دەبێ هێزی چەکداریی دوو وڵات لە پێناو ئامانجگەلی هاوبەش پەڕە بە هاوکارییەکانیان بدەن.

سەرۆکی ئەرکانی گشتیی هێزی چەکداری بیری هێنایەوە: لەو دیدارە سەبارەت بە پرسە جۆراوجۆرە سنوورییەکان بە تایبەت ڕێککەوتننامەی بەرپرسانی باڵای دوو وڵات بۆ جۆماڵ کردنی ئەلوەن گفتوگۆ کرا و بڕیار درا کە ئاسایشی ئەو کارە لە ئەستۆی هێزی چەکداریی دوو وڵاتدا بێت.

سەرلەشکەر باقری لە درێژەدا ڕووانییە زەروورەتی کردنەوەی سنووری خوسرەوی بۆ زیارەتکاران و بەڵێنیی لایەنی عێراقی بۆ دابین کردنی ئاسایشی پارێزگای دیالە و زیارەتکاران و وتی: بە ئیزنی خودا ئەو سنوورە بۆ هاتوچۆی زیارەتکاران بە خێرایی دەکرێتەوە و لایەنی عێراقی ئامادەیی خۆی بۆ جێبەجێ کردنی کارەکان ڕاگەیاندووە و هاوکات بڕیارە سووریاش لەوبارەوە هەوڵی پێویست بدات.

وتیشی: بە هۆی بوونی هەڕەشەگەلی ئاسمانی لە سنوورە رۆژئاواییەکان، سەبارەت بە هاوکاریگەلی بەرگرانەی وەک بەرگریی بەردەوامی ئاسمانی گفتوگۆ کرا و بڕیارە کەرتی بەرگریی ئاسمانی دوو وڵات بە هاوئاهەنگیی زیاترەوە پێکەوە کار بکەن.

ناوبراو لە درێژەدا باسی لە هاوکاریی دوو وڵات لە بواری ڕاهێنان و مانۆرە هاوبەشەکان و گواستنەوەی ئەزموونەکانی ئێران بۆ لایەنی بەرامبەر کرد و جەختی کرد: لە پرسی بەرەنگاربوونەوەی گەمارۆکانی ئێران و خۆبواردنی عێراق لە  ڕەوتی گەمارۆ داسەپاوەکانی ئەمریکا لە دژی ئێران، لایەنی عێراقی بەڵێنی داوە و ئێستا هاوکاریی باشمان لەوبارەیەوە هەیە. هەروەها بەڵێنیان پێداوین کە کۆنتڕۆڵی زیاتریان بە سەر ئامادەبوونی هێزی سەربازیی ئەمریکا لە عێراقدا هەبێ و ئامادەبوونی ئەو هێزانە تەنیا بە مەبەستی ڕاهێنانی هێزەکانی عێراقی دەبێ.

News Code 25906

نیشانەکان

بۆچوونی ئێوە

You are replying to: .
  • 3 + 14 =