به ڕاپۆرتی ئاژانسی هه‌واڵی مێهر، له دووه‌مین ڕۆژ له قۆناغی سێهه‌می نمایشی سه‌ربازی ویلایه‌تی ۹۷، شه‌ڕکه‌رێکی جۆری فانتۆمی هێزی ئاسمانی ئه‌رته‌ش به ته‌قاندنی مووشه‌کێکی کڕووزی هه‌وایی به ناوی نه‌سر توانی ئامانجه‌که‌ی له ده‌ریا بشکێنێت.
هه‌روه‌ها باڵه‌فڕه‌کانی هێزی ده‌ریایی ئه‌رته‌ش که له‌م دواییه‌دا به سیسته‌می ڕاوی مینی ده‌ریایی ته‌یار کراوه توانی سه‌رجه‌م ئامانجه‌کانی بپێکێت.
نمایشی سه‌ربازی ویلایه‌تی ۹۷ تایبه‌ت به هێزه‌کانی ئه‌رته‌شی ئێران له ئاوه‌کانی باشوور و باشووری رۆژهه‌ڵاتیی وڵات له ڕۆژهه‌ڵاتی ته‌نگه‌ڵانی هورموز تا ده‌ریای عه‌مان و خولگه‌ی ۱۰ ده‌ره‌جه‌ی ئۆقیانووسی هیند خه‌ریکه به‌ڕێوه‌ده‌چێت.
Your Comment