داعش بەردەوام چەکی بە دەست دەگات

وتەبێژی وەزارەتی بەرگری ڕووسیا ئاماژەی بە هەوڵەکانی ئەنقەرە بۆ ڕێککەوتنی ئەدلەب کرد و ڕایگەیاند کە تیرۆریستەکانی داعش بەردەوام چەکیان بە دەست دەگات.

به ڕاپۆرتی ئاژانسی مێهر لە ڕاشا تودەی، ئیگۆر کۆناشینکۆف، وتەبێژی وەزارەتی بەرگری ڕووسیا ئاماژەی بە هەوڵەکانی ئەنقەرە بۆ ڕێککەوتنی ئەدلەب کرد و وتی: ئەنقەرە ڕێککەوتنی ئەدلەبی جێبەجێ نەکردووە بەڵام هەوڵی بۆ دەدات.

ئەو زیادی کرد: داعش بەردەوام چەکی بە دەست دەگات و ئێمە لە دوای سەرچاوەکانی گەیشتنی چەک بە دەستی تیرۆریستەکانین. ئەوان ۱۰ لیتر مادەی کیمیاییان بۆ سووریا گواستووەتەوە کە مەترسیدارە.

کۆناشینکۆف وتی: فڕۆکەکانی ئەمریکا لە سووریا چەکی قەدەغە کراو بە کاردێنن. دۆخی مرۆڤی کەمپی ڕەکبان لە سووریا خراپە و ئەمەش دوای چوونی ئەمریکا بۆ ئەم ناوچەیە سەری هەڵداوە. ئەمریکا سەرقاڵی ڕاهێنانی سەربازی بە خەڵکی ئاسایی لەم ناوچانەیە.

ئەو وتی: داعش دیسان دەستی کردووە بە هێرش و لەم دواییە ۳۰۰ هێزی کوردی سووریای کوشتووە و بریندار کردووە. ئێمە لە حاڵی ڕاهێنان بە هێزەکانی دیمەشقین تاکوو کار کردن بە مووشەکی ئێس ۳۰۰ فێر بن و ئەوانەی لە دوای ڕووداون دەبێت لەمە بترسن.

News Code 22777

نیشانەکان

بۆچوونی ئێوە

You are replying to: .
  • 1 + 12 =