"دواباوەش" ٤ خەڵاتی فێستیڤاڵی فیلمی سیمی یۆنان مسۆگەر کرد

فیلمی دواباوەش لە دەرهێنانی سامان حسێن پوور و بەرهەم هێنانی حەوزەی هونەری کوردستان توانی لە دووهەمین فێستیڤاڵی نێونەتەوەیی فیلمی سیمی یۆنان ٤ خەڵاتی سەرەکیی فێستیڤاڵ مسۆگەر بکات.

بە ڕاپۆرتی ئاژانسی هەواڵی مێهر، فیلمی دواباوەش لە دەرهێنانی سامان حسێن پوور لە دووهەمین فێستیڤاڵی سیمی یۆنان توانی خەڵاتەکانی باشترین فیلم، باشترین دەرهێنەری، باشترین داڕشتەی دەنگ (زانیار لوتفی) و باشترین ئەکتەری ژن (ژۆنا سەجادی)ی مسۆگەر بکات.

ئەم فیلمە بەسەرهاتی بنەماڵەیەکە کە فەزای مەجازی لە جیهانی واقیعیی دابڕیون و  هەموو سەریان کردووە بە ناو مۆبایەلەکانیاندا و لەمناوە کەس هۆشی بە باوەگەورە و مەرگی لە ناکاوی نییە.

ستافی فیلمی دواباوەش پێکهاتوون لە: سامان حسێن پوور (سێناریست، دەر‌هێنەر و تۆمارکار)، زانیار لوتفی (فیلم‌هەڵگر)، محەمەد توریوریان (دەنگ‌هەڵگر) و ئاکۆ زەند کەریمی و نەوید زارع و شۆڕش وەکیلی (یاریدەدەرانی دەرهێنەر و وێنە و گرافیک).

هەروەها ئەکتەرانی ئەو فیلمە بریتین لە ژۆنا سەجادی، فەرەیدوون عەلی ڕەمایی، ڕەشید حسێن پوور، عەلی پەناهی، محەمەد پەناهی، نیما حسێنی، پەروین فەلاحی و کەژاڵ سادقی.

News Code 22444

نیشانەکان

بۆچوونی ئێوە

You are replying to: .
  • 5 + 0 =