به ڕاپۆرتی ئاژانسی مێهر، فه‌رید حه‌قپه‌نا له کۆبوونه‌وه‌ی چاودێڕی به سه‌ر قاچاخی که‌ل و په‌ل له کوردستان، وتی: به‌رپرسانی هه‌رێمی کوردستان هۆشداریان داوه ئه‌گه‌ر تێکده‌ران و قاچاخچییه‌کان له سه‌ر سنووری کوردستان به‌رده‌وام بن له تۆقاندنی ناوچه‌که، ڕه‌نگه سنووری باشماخ دابخرێت.
ئه‌و زیادی کرد: چه‌ته و قاچاخچییه‌کانی دۆلار به چه‌ک به‌رۆکی شۆفیڕه عێراقییه‌کان ده‌گرن و ناچاراین ده‌که‌ن که که‌ل و په‌لی گرنگ وه‌ک گۆشت و مریشک و به‌رهه‌مه نه‌وتییه‌کان بگوازنه‌وه.
به‌ڕێوه‌به‌ری گومرۆکه‌کانی مه‌ریوان وتی: به‌داخه‌وه بینراوه که قاچاخچییه‌کان شه‌وانه که‌ل و په‌له‌کانی خۆیان له سه‌ر خاڵه سنوورییه‌کان ده‌شارنه‌وه و کاتێک شۆفیڕه عێراقییه‌کان مۆڵه‌تی ڕه‌ت بوون وه‌رده‌گرن به زۆر ناچاریان ده‌که‌ن که که‌ل و په‌لیان بۆ بگوازنه‌وه و ئه‌مه‌ش ترس و دڵه‌ڕاوکێی له ناوچه‌که بڵاو کردووه‌ته‌وه.
حه‌وق په‌نا ئاماژه‌ی دا: ئه‌گه‌رچی هێزه‌کانی سنووره‌وانی له‌م ناوچانه جێگیر بوون به‌ڵام ڕوون نییه که بۆچی ده‌ستێوه‌ردان ناکه‌ن و به‌ر به‌م کاره‌ی چه‌ته‌کان ناگرن.
ئه‌و له کۆتایدا جه‌ختی کرد: به‌رپرسانی گومروکی باشماخی هه‌رێمی کوردستانیش به‌م هۆیه‌وه هه‌ڕه‌شه‌ی داخستنی سنوور و به‌ر گرتن به هات و چوو له‌م خاڵه سنوورییه‌یان کردووه که تاکوو ئێسته توانیمانه دڵنیایان پێ بده‌ین که چی دیکه ئه‌م کارانه دووباره نابێته‌وه که سه‌رکه‌وتووش نه‌بووین تێیدا.
Your Comment