به ڕاپۆرتی ئاژانسی مێهر له ئاناتۆلی، ڕه‌جه‌ب ته‌یب ئه‌ردۆغان به به‌ده‌ستھێنانی سه‌رجه‌م ده‌نگه‌کان که هه‌زار و ٣٨٠ ده‌نگ بوو، توانی جارێکی دیکه ببێته سه‌رۆکی گشتیی پارتی داد و گه‌شه.
به پێی ئه‌م ڕاپۆرته، شه‌شه‌مین کۆنگره‌ی ئاساییی ئاک پارتی که له ھۆڵی وه‌رزشی ئه‌نقه‌ره به‌ڕێوه چوو که ئه‌ردۆغان تاکه به‌ربژار بوو بۆ سه‌رۆکایه‌تی گشتیی ئاک پارتی.
له کۆی هه‌زار و ٤٥٧ ئه‌ندامی کۆنگره، ھه‌زار و ٣٨١ که‌س ده‌نگی خۆی به‌کار ھێنا و له‌و ژماره‌یه‌ش هه‌زار و ٣٨٠ ده‌نگ ھه‌ژمار کرا. ڕه‌جه‌ب ته‌ییب ئه‌ردۆغان سه‌رۆک کۆماری تورکیا به به‌ده‌ستھێنانی سه‌رجه‌م ده‌نگه‌کان که هه‌زار و ٣٨٠ ده‌نگ بوو جارێکی دیکه وه‌ک سه‌رۆکی گشتیی ئاک پارتی ھه‌ڵبژێردرایه‌وه و له ھه‌مان كاتدا ده‌نگدان بۆ ھه‌ڵبژاردنی ئه‌نجومه‌نی ناوه‌ندیی و کارگێڕی ئاک پارتی به‌ڕێوه چوو.
شایانی باسه که ئه‌ردۆغان له ساڵی ٢٠٠٣ بوو به سه‌رۆک وه‌زیرانی تورکیا و تا ساڵی ٢٠١٤ له پۆسته‌که‌ی به‌رده‌وام بوو، ساڵی ٢٠١٤ش له هه‌ڵبژاردنه‌کانی سه‌رۆکایه‌تیدا سه‌رکه‌وت و بوو به سه‌رۆک کۆماری تورکیا و له دوایین هه‌ڵبژاردنی سه‌رۆکایه‌تی تورکیاشدا که له ٢٤ی ته‌مووزی ئه‌مساڵ به‌ڕێوه چوو بۆ جاری دووه‌م له‌سه‌ر یه‌ک بووه به سه‌رۆک کۆماری تورکیا.
Your Comment