۲۰۱۸ ساڵی چاره‌سه‌ر کردنی قه‌یرانی سووریا ده‌بێت

به‌کر بوزداغ، جێگری سه‌رۆک وه‌زیرانی تورکیا هیوای خواست که‌ دوای به‌ڕێوه‌ چوونی کۆنگره‌ی نیشتمانی سووریا، قه‌یرانی ئه‌م وڵاته‌ له‌ ساڵی ۲۰۱۸ به‌ شێوه‌یه‌کی سیاسی چاره‌سه‌ر بێت.

به‌ ڕاپۆرتی ئاژانسی مێهر له‌ یه‌نی شه‌فه‌ق، به‌کر بوزداغ، سه‌رۆک وه‌زیرانی تورکیا وتی: ساڵی ۲۰۱۸ بۆ چاره‌سه‌ر کردنی قه‌یرانه‌کانی سووریا زۆر گرنگه‌. هیوادارین ساڵی ۲۰۱۸ ببێته‌ ساڵی چاره‌سه‌ر کردنی قه‌یرانه‌کانی سووریا چون ئه‌نجامی کۆبوونه‌وه‌ی سوچی له‌ نێوان ئێران و ڕووسیا و تورکیا گرنگ بووه‌.

ئه‌و هه‌روه‌ها زیادی کرد: هیوادارین دوای به‌ڕێوه‌ چوونی کۆنگره‌ی نیشتمانی سووریا کێشه‌کان به‌ ڕێگه‌ی سیاسی چاره‌سه‌ر بێت.

جێگه‌ی ئاماژه‌یه‌ که‌ ڕۆژی ۲۲ی نۆڤامبه‌ر له‌ شاری سوچی له‌ نێوان ڕووسیا، ئێران و تورکیا کۆبوونه‌وه‌یه‌ک له‌ نێوان سه‌رۆک کۆماره‌کانی هه‌ر ۳ وڵات سه‌باره‌ت به‌ سووریا به‌ڕێوه‌ چوو.

له‌م نێوانه‌دا تورکیا دژی به‌شداری کوردی سووریا له‌ کۆنگره‌ی نیشتمانی و دانوستانه‌کانه‌ و له‌ هه‌موو توانی سیاسی خۆی بۆ بێ به‌شی کردنی کورد له‌ مافی خۆی سوودی بردووه‌.

هه‌روه‌ها تورکیا چی دیکه‌ دژی مانه‌وه‌ی به‌شار ئه‌سه‌د له‌ سووریا نییه‌ و ڕوانگه‌ی خۆیی سه‌باره‌ت به‌ سووریا گۆڕیوه‌، له‌ به‌رانبه‌ردا داوا له‌ ده‌میشق ده‌کات تاکوو ڕێگه‌ نه‌دات کوردی سووریا به‌ ده‌سه‌ڵات بگه‌ن.

News Code 15529

نیشانەکان

بۆچوونی ئێوە

You are replying to: .
  • 2 + 1 =