نه‌ته‌وه‌ یه‌کگرتووه‌کان داوای کۆتایی هاتنی شه‌ڕ له‌ یه‌مه‌ن ده‌کات

ئه‌مینداری گشتی نه‌ته‌وه‌ یه‌کگرتووه‌کان هاوکات له‌گه‌ڵ ئه‌وه‌ی که‌ داوای کرد شه‌ڕی بێ ئه‌نجامی یه‌مه‌ن کۆتایی پێ بێت، وتی: ئه‌مریکا بۆ که‌م کردنه‌وه‌ی کێشه‌ مرۆڤییه‌کانی یه‌مه‌ن گوشار بخاته‌ سه‌ر سعوودییه‌.

به‌ ڕاپۆرتی ئاژانسی مێهر له‌ ڕاشا توده‌ی، ئه‌مینداری گشتی نه‌ته‌وه‌ یه‌کگرتووه‌کان داوای کرد که‌ کۆتایی به‌ شه‌ڕی بێ ئه‌نجام و پووچی یه‌مه‌ن بدرێت و ئه‌مریکا گوشاری زیاتر له‌ عه‌ره‌بستان بکات تاکوو قه‌یرانی مرۆڤی یه‌مه‌ن کۆتایی پێبێت.

به‌ پێی ئه‌م ڕاپۆرته‌، ئانتۆنیۆ گوترش له‌ گفتوگۆ له‌گه‌ڵ کاناڵی سی ئێن ئێن وتی: من له‌ سه‌ر ئه‌م باوه‌ڕه‌م که‌ ئه‌مه‌ شه‌ڕێکی پووچه‌ که‌ دژی به‌رژوه‌ندی عه‌ربه‌ستان و ئیمارات و خه‌ڵکی یه‌مه‌نه‌. ئه‌وه‌ی ئێمه‌ پێویستمان پێیه‌تی ڕێکارێکی سیاسییه‌.

ئه‌مینداری گشتی نه‌ته‌وه‌ یه‌کگرتووه‌کان هه‌روه‌ها هیوای خواست که‌ هاوپه‌یمانی عه‌ره‌بی به‌ ڕێبه‌ری عه‌ره‌بستان کۆتایی به‌ گه‌ماڕۆی به‌نده‌ره‌کانی یه‌مه‌ن و فڕۆکه‌خانه‌ی سه‌نعا بێنێت.

گوترش زیادی کرد: من له‌ سه‌ر ئه‌م بڕوایه‌م که‌ ئه‌م شه‌ڕه‌ ده‌بێته‌ هۆی ئه‌وه‌ی که‌ ئازاره‌کانی خه‌ڵکی یه‌مه‌ن زیاتر بێت، له‌ به‌رژه‌وه‌ندی هه‌موو لایه‌نه‌کانه‌ که‌ کۆتایی به‌م شه‌ڕه‌ بێنن.

شایانی باسه‌ که‌ عه‌ره‌بستان ماوه‌ی ۳ ساڵه‌ به‌ هاوکاری چه‌ند وڵاتێکی عه‌ره‌بی هێرشی کردووه‌ته‌ سه‌ر یه‌مه‌ن و له‌م ماوه‌دا به‌ هه‌زاران که‌سی سڤیل له‌ وڵاتی یه‌مه‌ن بوونه‌ته‌ قوربانی.

News Code 15143

نیشانەکان

بۆچوونی ئێوە

You are replying to: .
  • 6 + 9 =