ئه‌رۆدغان هۆشداریی له‌ناو چوونی سووریا دەدات

سه‌رۆک کۆماری تورکیا له‌ وتەدانێکیدا له‌ نه‌ته‌وه‌ یه‌کگرتووه‌کان پشتیوانی له‌ دانوستانه‌کانی ئاستانه‌ کرد و وتی: شه‌ڕی سووریا وه‌ک برینێکی ناسۆرە به‌ جه‌سته‌ی ڕۆژهه‌ڵاتی ناڤینه‌وه‌.

به‌ ڕاپۆرتی ئاژانسی مێهر له‌ حوڕیه‌ت، ڕه‌جه‌ب ته‌یب ئه‌رۆدغان، سه‌رۆک کۆماری تورکیا  جه‌ختی کرد که‌ دانوستانه‌کانی ئاستانه‌ ده‌توانێت ببێته‌ بنه‌مایه‌ک بۆ دانوستانه‌کانی ژێنڤ سەبارەت بە سووریا.

ئه‌و له‌مباره‌وه‌ وتی: له‌گەڵ ڕووسیا و ئێران له‌ ئاستانه‌ کۆبوونه‌وه‌مان هه‌بوو که‌ ئامانجه‌که‌یشی ئاشتی و سه‌قامگیری بۆ سووریا بووه‌.

ئه‌وردۆغان زیادی کرد: تورکیا ناتوانێت له‌ به‌رانبه‌ر تراژیدی ترسناکی سووریا بێ ده‌نگ بێت. شه‌ڕ له‌ سووریا وه‌ک برینێکی گه‌وره‌یه‌ به‌ سه‌ر جه‌سته‌ی ڕۆژهه‌ڵاتی ناڤینه‌وه‌. به‌ له‌ناوچوونی سووریا ناسه‌قامگیری ئه‌م وڵاته‌ ده‌گرێته‌وه‌ و تیرۆریسته‌کان له‌ هه‌موو ناوچه‌که‌ بڵاوه‌ ده‌که‌ن.

ئه‌و سه‌باره‌ت به‌ قه‌یرانی په‌نابه‌ران له‌ سووریا وتی: تاکوو ئێسته‌ ۳۰ ملیار دۆلار تێچووی ئاواره‌کانمان کردووه‌ به‌ڵام له‌ ئاستی پێویست یارمه‌تیمان نه‌دراوه‌.

ئه‌و هه‌روه‌ها داوای کرد که‌ ژماره‌ی وڵاتانی ئه‌نجومه‌نی ئاسایش بۆ ۲۰ ئه‌ندام به‌رز بکرێته‌وه‌ و هه‌ر کامیش ۲.۵ ساڵ سه‌رۆکایه‌تی له‌ ده‌ست بگرن.

ئه‌و داوای کرد که‌ چوارچێوه‌ی نه‌ته‌وه‌ یه‌کگرتووه‌کان ده‌بێت چاکسازی تێدا بکرێت چون هین سه‌رده‌می جه‌نگی جیهانی دووهه‌مه‌ و له‌ ئێستادا کارامه‌یی نه‌ماوه‌.

ئه‌ردۆغان هه‌روه‌ها هۆشداری دا که‌ ڕیفراندۆمه‌که‌ی هه‌رێمی کوردستان ده‌توانێت شه‌ڕێکی گه‌وره‌ له‌ ناوچه‌که‌ دروست بکات و ده‌بێت یه‌کپارچه‌یی خاکی عێراق له‌به‌رچاو بگیردرێت.

News Code 12980

نیشانەکان

بۆچوونی ئێوە

You are replying to: .
  • 5 + 0 =