پیرۆزبایی سەرکردەی وڵاتانی جیهان لە ڕۆحانی

زۆربه‌ی وڵاتانی جیهان، به‌ تایبه‌ت ڕووسیا به‌ هۆی سه‌رکه‌وتنی دووباره‌ی حه‌سه‌ن ڕۆحانی پیرۆزبایان لە سەرۆک کۆماری دەوڵەتی دوازدەیەمی ئێران کرد.

به‌ ڕاپۆرتی ئاژانسی مێهر، دوابه‌دوای سه‌رکه‌وتنی حه‌سه‌ن ڕۆحانی له‌ دوازده‌هه‌مین خولی سه‌رۆک کۆماری ئێران، سەرکردەی وڵاتانی جیهان پیرۆزبایان ئاراسته‌ کرد.

به‌ پێی ئه‌م ڕاپۆرته‌، ڤلادمیر پووتین له‌ میانه‌ی ڕاگه‌یه‌ندراوێکدا نووسی: پیرۆزبایی سه‌رکەوتن له‌ ئێوه‌ ده‌که‌م و دڵنیاتان ده‌که‌مه‌وه‌ که‌ ڕووسیا و ئێران له‌ جێبه‌جێ کردنی به‌رجام و هاوکاری ئابووری زیاتر به‌رده‌وام ده‌بن.

به‌شار ئه‌سه‌د سه‌رۆک کۆماری سووریاش له‌ میانه‌ی په‌یامێکدا پیرۆزبایی له‌ حه‌سه‌ن ڕۆحانی کرد و وتی: من جارێکی دیکه‌ پیرۆزبایی له‌ هه‌ڵبژارده‌ و خواستی خه‌ڵکی ئێران ده‌که‌م. سووریا و ئێران ساڵانێکی زۆره‌ که‌ هاوکاری زۆر باشیان بووه‌ و سووریا ئاماده‌یه‌ تاکوو به‌رده‌وام بێت له‌م ڕێگه‌یه‌ و به‌رژه‌وه‌ندی هاوبه‌شی هه‌ر دوو وڵات بپارێزێت.

ئیلهام عه‌لی ئۆف، سه‌رۆک کۆماری هه‌میشه‌یی ئازه‌ربایجانی ڕووسیاش ڕایگه‌یاند که‌ من به‌ ناوی خۆم و گه‌لی ئازه‌ریه‌وه‌ سه‌رکه‌وتنی ئێوه‌ به‌ سه‌رۆک کۆماری ئێران پیرۆزبایی ده‌لێم و ئێمه‌ گرنگی زۆر به‌ په‌یوه‌ندی باش له‌گه‌ڵ ئێرانی دراوسێمان ده‌ده‌ین.

شێخ سه‌باح ئه‌حمه‌د، ئه‌میری کوه‌یتیش له‌ میانه‌ی په‌یامێکدا پیرۆزبایی ئه‌م سه‌رکه‌وتنه‌ی له‌ حه‌سه‌ن ڕۆحانی کرد و نووسی: هیوادارم له‌ ئه‌رک و به‌ڵێنه‌کانی خۆتان سه‌رکه‌وتوو بن و هیوای ته‌نردوستی و له‌ش ساخیم بۆ ئێوه‌ هه‌یه‌.

شایانی باسه‌ که‌ به‌ پێی ئاماری فه‌رمی وه‌زاره‌تی ناوخۆی ئێران، حه‌سه‌ن ڕۆحانی به‌ زیاتر له‌ ۲۳ ملیۆن ده‌نگ بووه‌ دوازده‌هه‌مین سه‌رۆک کۆماری ئێران.

News Code 10133

نیشانەکان

بۆچوونی ئێوە

You are replying to: .
  • 1 + 13 =