بە پێی ڕاپۆرتی ئاژانسی هەواڵی مێهر، سەبارەت بە ئەگەری چالاککردنی میکانیزمی "سناپباک" لەلایەن هەندێک لە وڵاتانی ئەوروپاوە، سەرۆک کۆماری ئێران ئاماژەی بەوەدا کە ئێران بەتەواوەتی ئامادەیە بۆ ڕووبەڕووبوونەوەی هەر سیناریۆیەک و سیاسەتەکانیش بەگوێرەی مەرجە نوێیەکان دەستکاری دەکرێن.
مەسعوود پزشکیان بەرەبەیانی ئەمڕۆ پێنجشەممە 3ی ڕەزبەر بە کاتی ناوخۆی ئێران، لە چوارچێوەی سەفەرەکەی بۆ نیۆیۆرک لەگەڵ بەڕێز لویس ئارسێ کاتکورا، سەرۆکی بۆلیڤیا دیدار و وتووێژی ئەنجامدا.
لەم دیدارەدا سەرۆک کۆمار بە ئاماژە بە سیاسەتە تاک لایەنەکانی ئەمریکا، وتی: ڕێبازی ئەمریکا نەک تەنها دژی کۆماری ئیسلامی ئێرانە، بەڵکو دژی هەموو ئەو وڵاتانەیە کە پشتیوانی لە سیاسەتەکانی ئەو وڵاتە ناکەن.
ئەوەشی وت لە هەلومەرجێکی وادا ئەو وڵاتانەی سەربەخۆیی دەخوازن و پێگەی خۆیان لە سیستەمی نێودەوڵەتیدا بپارێزن، دەبێت توانا زانستی و تەکنیکی و تایبەتمەندییەکانیان باشتر بکەن تا بتوانن بە هێزەوە بەرژەوەندی نەتەوەیی خۆیان و سەروەریی خۆیان بپارێزن.
Your Comment