بە ڕاپۆرتی ئاژانسی هەواڵی مێهر، چاودێری مافی مرۆڤی سووریا بە پشتبەستن بە سەرچاوە بڕواپێکراوەکانی خۆی، ڕاپۆرتە بڵاوبووەکان لە بڕیاری مەزلووم کۆبانی، فەرماندەی هێزەکانی سووریای دیموکراتیک بۆ ڕادەستکردنی دامودەزگا ئیداری و سەربازییەکان باکووری ڕۆژهەڵاتی سووریا بە دەوڵەتی دیمەشقی ڕەت کردەوە.
چاودێری مافی مرۆڤی سووریا هەروەها سەبارەت بە پاشهاتی بڵاوبوونەوەی ئەو دەنگۆیانە هوشداری دا و ڕایگەیاند کە ئەو جۆرە هەواڵانە بەشێکن لە پاگەندەی میدیایی هاوئاهەنگ لە لایەن تۆڕ و کەناڵە نزیکەکان لە دەوڵەتی سووریا بۆ گوشار دەروونی خستنە سەر هەسەدە لە میانەی دانوستانەکانی نێوان هەر دوولا.
شایانی باسە، لە ڕۆژانی ڕابردوو، ڕاپۆرتگەلێک لەبارەی ڕادەستکرانی پارێزگای دیرەزور و پاشان پاریزگاکانی ڕەقە و حەسەکە لە لایەن هەسەدەوە بە دەوڵەتی دیمەشق، لە تۆڕە کۆمەڵایەتییەکان بڵاوبۆوە کە خێرا لە لایەن سەرچاوە ئاگادارەکانەوە ڕەت کرایەوە و ڕاگەیێندرا کە جاری کۆمەڵێک دیدار لە نێوان فەرماندەکانی هەسەدە و ڕێبەرانی هۆزە خۆجێیەکان لە دیرەزوردا بۆ ڕێکخستنی دۆخی ناوخۆیی ناوچە بەڕیوە چووە و هیچ بڕیارێک بۆ ڕادەستکرانی دامودەزگا ئیداری و سەربازییەکان باکووری ڕۆژهەڵاتی سووریا لە ئارادا نییە.
Your Comment