بە پێی ڕاپۆرتی ئاژانسی هەواڵی مێهر، سەید عەبدولمەک بەدرەدین، ئەمینداری گشتی بزووتنەوەی ئەنساروڵای یەمەن، وتارێکی سەبارەت بە دوایین پێشهاتەکانی ناوچەیی و نێودەوڵەتی پێشکەش کرد.
لەم وتارەدا سەید عەبدولمەک بەدرەدین وتی: پلانی ترامپ بۆ ئاوارە کردنی گەلی فەلەستین لە خاک و زێدی خۆیان، دەستبەسەرداگرتنی مافی خەڵکە. ترامپ تاوانبارە و خووی ئەوەی هەیە لێدوانی بێمانا و گاڵتەجاڕانە بدات.
جەختیشی کردەوە: هەڵوێستی ئێمە لە پاڵپشتیکردنی گەلی فەلەستین و هێزەکانیان پتەو و پرەنسیپییە و بە هەموو توانامانەوە لە پاڵیان دەوەستینەوە. ئەگەر ئەمریکا سەرکەوتوو بوو لە تێپەڕاندنی پلانەکەی سەبارەت بە غەززە، ئێمە بە هێزی سەربازی هەنگاو دەنێین بۆ ڕێگریکردن لێی، لە چوارچێوەی ئەرکی جیهادی خۆماندا هەڵسوکەوت دەکەین، و نابینە تەماشاکەر.
وتیشی: ئیسرائیل هێشتا بەڵێنەکانی بەپێی ڕێککەوتنی ئاگربەست بە ڕێگریکردن لە هاتنە ناوەوەی هاوکاری و کەرەستەی پێویست و خێمە بۆ کەرتی غەززە جێبەجێ نەکردووە. ئیسرائیل بە هاندانی ترامپی گاڵتەجاڕ، کە هەڕەشەی لە بەرخۆدان کردووە ئەگەر زیندانییەکان ئازاد نەکات، بە کردنەوەی دۆزەخ، ئاگربڕ هەڵدەوەشێنێتەوە. دۆزەخ بۆ تۆ و ستەمکار و تاوانباران و مرۆڤە خۆبەزلزانەکانتە.
Your Comment