بە ڕاپۆرتی ئاژانسی هەواڵی مێهر بە گێڕانەوە لە "المنار"، شێخ نەعیم قاسم جێگری ئەمینداری گشتیی حزبوڵڵا لە سێهەمین وتاردانی دوای شەهیدبوونی شێخ حەسەن نەسروڵڵا وتی: ئیسرائیل و ئەوانی لە پشت سەریدان، خەریکی شەڕئاژوێی و کۆمەڵکوژین و دەبێ ئێمە لە بەرامبەریاندا بوەستین و هەڵوێستی جیدیمان بێت.
ناوبراو بە ئاماژە بەوەی کە ئیسرائیل ڕژیمێکی داگیرکەرە و مەترسییەکی ڕاستەقینەیە بۆ هەموو جیهان و ناوچەکە، وتیشی: ئەو ڕژیمە پشتئەستوورە بە کۆمەڵکوژی و ئاوارەکردن و ئیسرائیل دڵخۆشە بە پاڵپشتیی ڕەهای ئەمریکا و بەو جەنایەتانەی دیتران دەخاتە مەترسییەوە.
شێخ نەعیم قاسم سەبارەت بە مافی فەلەستینییەکان بۆ وەدەرنانی ڕژیمی داگیرکەری زایۆنی ڕایگەیاند: گەردەلوولی ئەقسا ئەنجامی ٧٥ ساڵ داگیرکاری بوو و ئەوە مافێکی ڕەوایە. ئێمە لە لوبنان خۆمان لە فەلەستین بەجودا نابینین و ناوچەش لە فەلەستین جودا نابینین و تەنیا بە بەرخۆدان دوژمنی زایۆنی وەدەر دەنرێت.
جێگری ئەمینداری گشتیی حزبوڵڵا بە پێداگری لە زەروورەتی ئاگربڕی غەزە، ڕاشیگەیاند: پڕۆژەی ئێستاکەی ناوچە، پڕۆژەیەکی پەرەئەستێنانەیە و فەلەستین دەبێ ئازاد بکرێت.
ناوبراو سەبارەت بە هێرشی مووشەکیی بەرفراوانی حزبوڵلا لە دژی سەرزەوینە داگیرکراوەکان، جەختی کرد: ڕژیمی زایۆنی بۆتە دێوزمەیەکی دڕندە کە تاقەتی دۆڕان لە بەرخۆدانی نییە، بەڵام ئێمە ئەو دێوزمەیەمان گەڕاندۆتەوە تەویلەکەی و جێ‌جێی سەرزەوینەداگیرکراوەکان بکەینە ئامانج.
Your Comment