بە پێی ڕاپۆرتی ئاژانسی هەواڵی مێهر، نووسینگەی ڕاگەیاندنی سەرۆكی ئەنجومەنی وەزیران ڕایگەیاند: " محەمەد شیاع سودانی، سەرۆكی ئەنجومەنی وەزیران ئه‌مڕۆ پێنجشه‌ممه پێشوازیی لە باڵیۆزی یه‌كێتی ڕووسیا لە عێراق، ئێلبروس کوتراشێڤ کرد".
ڕوونیشیکردەوە، "لە کۆبوونەوەکەدا تاوتوێی پەیوەندییە دووقۆڵییەکانی نێوان هەردوو وڵات و ڕێگاکانی پەرەپێدانیان کرا، لەسەر بنەمای خواستی هاوبەش بۆ فراوانکردنی ئاسۆی هاریکاری هاوبەش، و بەردەوامبوون لە هاریکاری لە بوارە جیاجیاکانی ئابوری و بازرگانی و ڕۆشنبیری، لە بەرژەوەندییەکانی هه‌ردوو گەلانی عێراق و ڕووسیا”.
هه‌روه‌ها له راگه‌یندراوه‌كه ئه‌وه‌یش هاتووه كه: لە کۆبوونەوەکەدا باس لە پێشهاتەکانی ناوچەکە و درێژەدان بە دەستدرێژی تاوانكاری قەوارەی داگیرکەر بۆ سەر گەلانی لوبنان و فەلەستین و سەرپێچییە قبوڵنەکراوەکانی بە سووکایەتیکردن بە پێگەی مه‌رجه‌عی باڵا لە نەجەف کە کاریگەری لەسەر هەستی ملیۆنان موسڵمان هەیە لە جیهاندا، و بنەما ڕەگەزپەرستی و ئایینییەکانی لە شەڕی شەڕانگێزی خۆیدا دژی غەززە و لوبنان پشتڕاست دەکاتەوە، وهەوڵەکانی بۆ چەواشەکاری و تەمومژاوی، بە پێچەوانەی ئەوەی کە هەندێک ئیدیعای دەکەن سەبارەت بە بوونی ڕەگ و ڕیشەی سیاسی لە ململانێکاندا."
بەگوێرەی ڕاگەیەندراوەكە ، سەرۆكی ئەنجومەنی وەزیران داوای کرد "هەڵوێست و ڕۆڵێکی کاریگەر بۆ وڵاتانی زلهێزلە ئەنجوومەنی ئاسایشی نێودەوڵەتی، بۆ ناچارکردنی قەوارەی داگیرکەر بۆ ڕاگرتنی شەڕەکەی و ئەو تاوانانەی ئەنجامی دەدات، بۆ ڕاگرتنی هەوڵەکانی بۆ پاڵنانی ناوچەکە بەرەو شەڕێکی هەمەلایەنە کە مەترسی لەسەر ئاسایشی جیهان و بەرژەوەندییەکانی لە ناوچەکەدا دروست بکات.
Your Comment