بە پێی ڕاپۆرتی ئاژانسی هەواڵی مێهر، ڕێکخراوی ڕادیۆ و تەلەفزیۆنی زایۆنی لە ڕاپۆرتێکدا بانگەشەی ئەوەی کردووە کە دەوڵەتی جۆ بایدن، سەرۆک کۆماری ئەمریکا، لە بەرامبەر ڕەتکردنەوەی ڕێژیم بۆ هێرشکردنە سەر هەندێک ئامانجی دیاریکراو لە ئێران، "پاکێجی قەرەبووکردنەوە"ی پێشنیار کردووە.
ئەم تۆڕە عیبرییە لە درێژەی ئەم ڕاپۆرتەدا ئیدیعای کرد کە لە دوای هێرشی مووشەکی ئێران بۆ سەر ناوچە داگیرکراوەکان، دانوستان لە نێوان بەرپرسانی ئیسرائیل و ئەمریکا سەبارەت بە پرسی وەڵامدانەوەی ئیسرائیل ئەنجام دراوە.
لەم وتووێژانەدا کاربەدەستانی ئەمریکا لە بەرامبەر هێرش نەکردنە سەر ئامانجە دیاریکراوەکان لەسەر خاکی ئێران، پشتیوانییەکی بەرفراوانی دیپلۆماسی و یارمەتی سەربازیی زیاتریان پێشکەش بە ئیسرائیلییەکانیان کرد.
هەروەها بەرپرسێکی ئیسرائیلی وتی: ئێمە ئەمریکا بە هاوپەیمانی خۆمان دەزانین و هەمیشە ئامادەین گوێ لە قسەکانی بگرین و لە هەمان کاتدا هەرچی پێویست بێت بۆ پاراستنی هاووڵاتیان و ئاسایشی ئیسرائیل دەیکەین.
Your Comment