بە ڕاپۆرتی ئاژانسی هەواڵی مێهر، ڕێبین سەلام ئەندامی پارتی دیموکراتی کوردستان لە لێدوانێک بۆ هەواڵدەریی "بغداد الیوم"، وێڕای ڕەت‌کردنەوەی هەر جۆرە ڕاپۆرتێک لەبارەی جموجۆڵ و هێرشی سەربازیی پارتی دیموکراتی کوردستان بۆ سەر بنکەکانی یەکێتی نیشتمانی لە هەولێر، وتی: تەنانەت کۆنسولخانەی وڵاتانی بیانی کە لە هەولێری پایتەختی هەرێمی کوردستان هەموو بارودۆخەکە لێکدەدەنەوە، هیچ جۆرە هەواڵ و ڕاپۆرتێکی درۆی لەو چەشنەیان پشت‌ڕاست نەکردۆتەوە.
ناوبراو بە ئاماژە بەوەی کە بڵاوبوونەوەی ئەم جۆرە ڕاپۆرتانە بە مەبەستی ئاژاوەنانەوە لە سەرودەمی هەڵبژاردنەکانی پەرلەمانی کوردستان ئەنجام دەدرێت، ڕایگەیاند: یەکێتی دەیەوێ بە هەر چەشنێک پارتی تووشی کێشە و ناکۆکی بکات، بەڵام هیچکات لەو پلانەی سەر ناکەوێت.
ئەمە لە کاتێکدایە کە مەحموود خۆشناو ئەندامی یەکێتی نیشتمانی، لە لێدوانێک بۆ هەمان هەواڵدەری، ڕەخنەی لە جموجۆڵەکانی ئەم دواییەی پارتی گرت و وتی: لە دانیشتنی ئەم دواییەی مەکتەب سیاسیی یەکێتی‌دا کۆکردنەوەی هێزی ناعێراقی لە بەردەم بنکەی یەکێتی نیشتمانی لە هەولێر بە کردەیەکی ناپەسند لە لایەن پارتی دیموکراتی کوردستان لێکدراوەتەوە.
Your Comment