شەوێکی خوێناوی لە ڕەفەح؛ پەناگەی ١٠٠ هەزار فەلەستینی کرایە ئامانج

بە پێی ڕاپۆرتی ئاژانسی هەواڵی مێهر، گرووپی نێودەوڵەتی: شەوی ڕابردوو دانیشتوانی کەرتی غەززە و بەتایبەت شاری ڕەفەح شاهیدی هێرشی بێوێنە بوون کە لە ئەنجامدا زیاتر لە ٥٠ کەس شەهید بوون و دەیان کەسی دیکەش بریندار بوون.

بۆردومانی قورسی ناوچە جیاوازەکانی کەرتی غەززە

فڕۆکە شەڕکەرەکانی ڕژێمی زایۆنی سەرلەبەیانی ئەمڕۆ ناوچە جیاجیاکانی کەرتی غەززەیان بە سەختی بۆردومان کرد.

شەڕڤانانی ئەم ڕژیمە ماڵی فەلەستینییەکانیان لە ڕۆژهەڵاتی مزگەوتی سەلاح شێهادە کە دەکەوێتە ئۆردوگای نۆسیرات لە ناوەندی کەرتی غەززە بۆردومان کرد. هەروەها بۆردومانکردنی خانووەکانی نیشتەجێبوون لە ناوچەی ئەلزەرقا کە دەکەوێتە باکووری شاری غەززە، چەندین شەهید و برینداری لێکەوتەوە.

جگە لە بۆردومانکردنی تەواوی کەرتی غەززە، شاری ڕەفح کە دەکەوێتە باشووری ئەم کەرتە، شەوێکی خوێناوی بەخۆیەوە بینیوە.

ڕۆژنامەنووسی تۆڕی ئەلمەیادین جەختی لەوە کردەوە کە ڕژێمی زایۆنی چەند موشەکێکی قورس و بەهێزی ئاراستەی ناوچەیەک کرد کە زیاتر لە ١٠٠ هەزار پەنابەری فەلەستینی پەنایان بردبووە ئەوێت.