بە ڕاپۆرتی ئاژانسی هەواڵی مێهر، سەرچاوە هەواڵییەکان ڕایانگەیاند کە نووسینگەی سەرۆک وەزیرانی ڕژێمی زایۆنی ڕۆژی هەینی پلانی ئۆپراسیۆنی سەربازیی ڕژێمی زایۆنی لە ڕەفەح لە باشووری کەرتی غەززەی پەسەند کرد و سوپای ڕژێمی زایۆنیش خۆی بۆ ئەنجامدانی ئەم ئۆپراسیۆنە ئامادە دەکات.
ئاژانسی هەواڵی ئێلیۆمی ڕووسیا ڕۆژی هەینی ڕایگەیاند: بنیامین ناتانیاهۆ پلانی پێشنیارکراوی کابینەی جەنگی بۆ ئۆپەراسیۆنە سەربازییەکانی ڕەفەح لە باشووری کەرتی غەززە پەسەند کردووە.
لە ڕاگەیەندراوێکدا کە نووسینگەی سەرۆکوەزیرانی ئیسرائیل بڵاویکردووەتەوە، هاتووە: "بنیامین ناتانیاهۆ، سەرۆکوەزیرانی ئیسرائیل پلانەکانی بۆ ئۆپەراسیۆنی ڕەفەح پەسەند کرد و سوپای زایۆنی ئامادەکاری بۆ دەکات و هەروەها ڕایگەیاندووە کە دانیشتوان و ئاوارەکان، ڕەفەح چۆڵ بکەن."
پێشتریش سەرچاوە عیبریەکان بە پشتبەستن بە نووسینگەی نەتانیاهۆ ڕاپۆرتیان دابوو کە پێشنیارەکانی حەماس بۆ ڕاگەیاندنی ئاگربەست و ئاڵوگۆڕی دیلەکانی هەردوولا لەلایەن سەرۆک وەزیرانی ڕژێمی زایۆنیستیەوە ڕەتکراوەتەوە
Your Comment