ئاژانسی هەواڵی مێهر؛ گرووپی گۆڤار؛ ئەو 10 ساڵیەتی. نازناوی گەنجترین ڕۆژنامەڤانی غەززە لەسەرە بەڵام کڵاو و جلیقەی هەواڵنێرییە ڕەنگ شینەکەی لەبەری گەورەیە .
ئەو خەڵکی غەززەن و لەوێ چوونە خان یونس و ئێستاش بەهۆی بوردمانەکانەوە چوونەتە ڕەفح.
لێما لە نوێترین گرتەی ڤیدیوییدا دەڵێت کە ئیسرائیلییەکان بە ئێمەیان وت کە ڕەفەح شارێکی ئەمنە بەڵام هەر ئێستا باڵەخانەکانی دەوروبەری ئێمەیان بوردمان و وێران کرد. ئێمە لە هەموو خەڵکی جیهان کە بۆ پاڵپشتی لە ئێمە خۆپیشاندانیان کرد دەسخۆشی دەکەین و هیوادارین ڕۆژێک بگەڕێینەوە بۆ سەر ماڵ و حاڵی خۆمان.
زیاتر لە 800 هەزار بەکارهێنەر لە سەرتاسەری جیهانەوە ئەویان شوێنگیری کردووە لە تۆڕە کۆمەڵایەتییەکان و لێما سەبارەت بە ڕای خەڵک دەڵیت کە قسەکانی ئەوان هۆی دڵگەرمی منە و درێژە دەدەمە گەشە کردنم.
ئەو کچە ڕەشتاڵە، وائیل ئەلدحوح هەواڵنێری بەناوبانگی غەززەی کردووەتە نموونەی خۆی.
لێما لە دیدارێک کە لەم دوایەدا لەگەڵ دحوح ئەنجامی داوە و تا ئێستا 12 ملیۆن بینەری هەبووە، دەڵێت: لە زەمانێکی چارەنووس سازی مێژوودین. خەڵکی ئێمە ورەیان بەرزە و تا کاتێک کە لە کێشەکان دەرباز دەبن کەسانێک وەکوو ئێمە هەن کە خەڵک پێدەکەنێت.
لێما لە یەکێک لە ڕاپۆرتەکانیدا دەڵێت: سڵاو خەڵکینە، هەموو خەڵکی جیهان لە ماڵی خۆیان ژیان دەکەن بەڵام ئێمە منداڵانی غەزە لە خێوەتدا و بە بێ ئاو و کارەبا و خۆراک دەژین. ئێمە دەمانەوێت وەکوو هەموو منداڵانی جیهان ژیان بکەین.
لێما بە وتنی ئازادی و ئاسایش باس لە ئارەزوو و خولیاکانی دەکات: ئێمە خەڵکانێکین کە شیاوی ئەوەین وەکوو خەڵکانی دیکەی جیهان ژیان بکەین. نامانەوێت هەموو ڕۆژێک هەواڵی مەرگ و کوشتوبڕ ببیسین. ئەوئاماژە دەکاتە سەر خێوەتەکانی دەورەپشتی و دەڵیت ئایا ئەمە ژیانە؟
Your Comment