بە ڕاپۆرتی ئاژانسی هەواڵی مێهر، پوویا محەمەدی سەرۆکی ناوەندی فەرهەنگی سرووش لە ئەو بارەوە ڕایگەیاند: ڕۆژی هەینی حەوتی ڕەزبەر جێژنی گەورە میوانی ئۆممەتی ئەحمەد لە شاری سنە بە بەشداریی هونەرمەندان بەڕێوە دەچێت.
پوویا محەمەدی وتیشی: ئەو ڕێوڕەسمە بە بۆنەی هەفتەی یەکگرتوویی لە پیاسە ڕێگای فێردۆسی شاری سنە و لە کاتژمێر 4 ی دوانیوەڕۆ تا 11 ی شەو بەڕێوەدەبرێت و ئامادەکاری کراوە بۆ بەشداریی 100 هەزار کەس لە خەڵک.
لە بواری جیاوازی فەرهەنگی، پەروەردەیی، دەروونناسی، تەندروستی، مۆسیقا، مێدیا و شانۆ ڤێستگە دادەنرێت بۆ ئەوەی خەڵک بتوانن رۆژێکی خۆشیان ببێت لە مانگی مەولوود.
تێچووی ئەم ڕێورەسمە لە لایەن خێرخوازان و هەندێ دامودەزکای فەرهەنگی کوردستانەوە دابین کراوە.
ژمارەیەک بێژەر و هونەرمەند و ئەکتەری ناسراوی ئێران بۆ بەشداریی لەم ئاهەنگە دێنە شاری سنە.
لەم ئاهەنگی مەولوودیەدا خێرخوازان خواردن و شەربەت و شیرینی بە سەر خەڵکدا دەبەخشنەوە.
Your Comment