گفتوگۆی بەرپرسێکی ئەمریکی لەگەڵ فواد حسێن لەسەر ئێران

بە ڕاپۆرتی ئاژانسی هەواڵی مێهر لە سپۆتنیک، ڕابێرت مالی نوێنەری ئەمریکا بۆ کاروباری ئێران و فواد حسێن وەزیری دەرەوەی عێراق دیدار و گفتوگۆیان کرد.

دەوترێت کە ئەو دیدارە ڕۆژی شەممە لە شوێنی مانەوەی فواد حسێن لە واشنتۆن ئەنجام دراوە.

بە گوێرەی ڕاپۆرتەکان، دوولایەنەکە سەبارەت بە هۆکارەکانی سەفەری شاندی عێراقی بۆ ئەمریکا و ڕەوتی دانوستانەکانی ڤیەنا و هەروەها هۆکارەکانی ڕاگیرانی دانوستانەکان لەگەڵ ئێران و هەڵوێستی ئەورووپییەکان سەبارەت بە ڕاگیرانی دانوستانەکان لەگەڵ ئێران گفتوگۆیان کرد.

ڕۆژی ڕابردووش سەرچاوەکانی هەواڵ ڕایانگەیاندبوو کە شاندێکی پایەبەرزلە ڕێکەوتی 24 بۆ 27 ی ڕێبەندان لەلایەن دەوڵەتی ئەمریکاوە بە سەرۆکایەتی ڕابێرت مالی سەفەری عەرەبستانی سعوودی دەکات و لەگەڵ گرووپی کاری لە ئەنجومەنی هاریکاری کەنداوی فارس دیدار دەکەن.